ڕەجا خەیرات

 

مە‌‌غریب- لە فێستیڤاڵی نێودەوڵەتیی جەسەد بۆ دەرهێنەرانی ژنان کە لە شاری ڕەباتی وڵاتی مەغریب تیپی شانۆیی ئالاسی یۆنانی شانۆنامەی "شەڕ ڕوخساری ژنی نییە"ی کە نووسینی ڕۆژنامەنووس و لێکۆڵەری ئۆکراینی سڤێتلانا ئەلێکسیڤیچ و لەلایەن دەرهێنەرانی ژن کاتیا جیرۆ و ناتالیا جۆرگۆسۆپۆلۆوە پێشکەشکرا.

 

"شانۆ دەتوانێت تێڕوانینی دەسەڵاتدار بگۆڕێت"

کاتیا جیرۆ، دەرهێنەری یۆنانی ڕایگەیاند کە شانۆ دەتوانێت ڕۆڵێکی گرنگ بگێڕێت لە باشترکردنی بارودۆخی ژنان و وتی: شانۆ دەتوانێت تێڕوانین و باوەڕی دەسەڵاتداران بگۆڕێت و ئەو شەڕانە کەم بکاتەوە کە لە جیهاندا زاڵن، نمایشە شانۆییەکان دەتوانێت ئیلهامبەخش بێت بۆ زۆر کەس لە سەرتاسەری جیهاندا و لە ڕێگەی شانۆوە، ئەو ئازارانەی کە ژنان لە کاتی شەڕدا تووشی بوون، ئەو باجەی کە داویانە، ئەو سەختییانەی کە دوای شەڕ ئێشتا هەر بەردەوامن بە وشەکان و جوڵەکان نمایش دەکرێت.

 

بانگەوازی بەرخۆدان لە دژی سیاسەتەکانی جەنگ

ناتالیا جۆرگۆسۆپۆلۆ، ئەکتەری یۆنانی باسی لەوە کرد کە شانۆنامەی "شەڕ ڕووخساری ژنی نییە" باس لە زۆر لایەنی ئازار و مەینەتیەکانی ژنان دەکات لە کاتی شەڕدا، ناتالیا جۆرگۆسۆپۆلۆ سەرنجی بۆ ئەو کارەساتە ڕاکێشا کە ژنان و منداڵانی غەززە بەهۆی هێرشەکانی ئیسرائیلەوە ڕووبەڕووی بوونەتەوە و وتی: ئەوەی ئەو ژنانە لەوێ تووشی بوون لە هەموو گۆشەیەکەوە کارەساتێکی مرۆییە و دەبێت دەستبەجێ کۆتایی پێبێت، داوا لە ژنان دەکەین بەرەنگاری سیاسەتەکانی جەنگ ببنەوە.