هونەرمەند تریفە کەریمیان: هیچ چارەیەک نییە جگە لە هیوا
هونەرمەند تریفە کەریمیان لە ئێران دژی هەموو زۆردارییەک وتی: لەم بێچارەییەدا، لە هەموو خانەکانی ئەم وڵاتە هاوار لە لاشەی هونەرمەندانەوە دێت، هیچ چارەسەرێکی دیکە نییە جگە لە هیوا.
شەبنەم تەوەکولی
تاران- ئێران وڵاتێکە کە ژنان لە بواری هونەردا دووردەخرێنەوە، گۆرانی وتنی ژنان لەبەردەم کۆمەڵگەدا قەدەغەیە، ژنان تەنها ڕێگەیان پێدەدرێت بەشداری بکەن یان سەیری کاری هونەری بکەن، تریفە کەریمیان لە ئێران تەنها یەکێکە لەو سەدان ژنەی کە هونەری خۆیان ئەنجام دەدەن.
تریفە کەریمیان شانۆنووس و هونەرمەندی دەنگی خەڵکی شاری سەقزی ڕۆژهەڵاتی کوردستانە و لە چەندین وڵاتی جیاواز دەرکەوتووە، لەبارەی کارەکەی و دۆخی وڵاتەکەیەوە قسەی کرد.
تریفە کەریمیان، کە گۆرانی دراماتیک دەڵێت، ڕایگەیاند، ئەم دۆخە لە شانۆی ئێراندا کەمە و لە زۆرێک لە دروستکەرەکاندا لایەنی جیاوازی مۆسیقای کوردی بەرز دەکاتەوە، مانگێک لەمەوبەر بە هەوڵی کۆمەڵەی مۆسیقای ماڵی شانۆ نمایشیان کردووە، ئەمەش بەرهەمە بەکارنەهێنراوەکانی کۆکردەوە و لە بەرهەمەکانیاندا نیشانیان داوە و زۆر سەرسام بوون پێیان.
"ئەم گۆرانیانە هەمیشە لە ڕۆح و ژیانی مندا بوون"
تریفە کەریمیان وتی: باوەڕم وایە بتوانم خزمەتی موزیکی کوردی بکەم، مۆسیقای کوردی شوێنێکی تایبەتی هەیە لای من، یەکەم جار ئەم جۆرە مۆسیقایەمان هێنا بۆ مۆسیقای مۆدێرن، مۆسیقای فۆلکلۆرمان بە مۆسیقایەکی نوێوە بەرهەممان هێنا و زۆر جێی سەرسامی بوو، موزیک هەمیشە لە ناخمدا بوو، یەکەم گۆرانی کە لە دایکمەوە گوێم لێ بوو، لۆرەی کوردی بوو، ئەم لۆرو گۆرانیانە لە کوردستان بوونیان هەبووە هەمیشە لە ڕۆح و بوونی مندا بوون، مۆسیقای کوردی لە خوێن و بوونی منە، لەو ڕۆژەوە کە بیرم دێت حەزم لە مۆسیقا بوو، زۆر حەزم لە گۆرانی وتن بوو.
"بۆ بەردەوام بوون هیوا پێویستە"
تریفە کەریمیان باسی لەوەکرد کە لە ئێران بۆ گۆرانی وتنی ژنان هەتا جلوبەرگیان فشار هەیەو وتی: هیوادارم وڵاتەکە بگات بە کۆمەڵگەیەکی ئازادی کۆمەڵایەتی، لەو باوەڕەدام کە ڕۆژی ئازادی ژنان لەم وڵاتەدا دێت، جگە لە مۆسیقا، من لە هەمان کاتدا دەنووسم و دەمەوێت ئەم دوو بوارە وەک پیشە وەربگرم، لەم بێچارەییەدا هەموو هونەرمەندێکی ئەم وڵاتە دەبێت هاوار بکات، ئەوبێهیواییەی کە هەموو کۆمەڵگەی گرتووەتەوە، دەبێت بگۆڕدرێت بۆ هیوا.