هەڵەبجە

 

لە شارەدێی عەبابەیلێ، بە ئامادەبوونی پارێزگاری هەڵەبجە، پارێزگاری سلێمانی، سەرۆکی شارەوانی و قایمقامی ناوەندی پارێزگاری هەڵەبجە و ژمارەیەکی زۆر لە میوانان و دانیشتوانی هەڵەبجە، دووەمین ڤیستیڤاڵی عەبابەیلێ بە دروشمی "مەیلێ بۆ عەواوەیلێ" بەڕێوەچوو.

 

لە فێستیڤاڵەکەدا کاری دەستی و بەروبومی خۆماڵی تێدا نمایش کرابوون، کوێستان ئەکرەم فرەج سەرۆکی شارەوانی هەڵەبجە لە لێدوانێکیدا بۆ ئاژانسی ژنها ڕایگەیاند: مەبەستیان لە ڤیستیڤاڵەکە  دەرخست و توانای خەڵکی عەبابەیلێ و هەڵەبجەیە، هەروەها پیشاندانی بەروبومەکانیانە، لەهەمانکاتدا هەماهەنگی کارکردنی ژنان و پیاوانە لەکارکردندا.

 

سەبارەت بە بەرنامەکانی ڤیستیڤاڵ کوێستان ئەکرەم ئاماژەی بەوەدا، لەسەرەتادا فێستیڤاڵەکە بە کردنەوەی پێشەنگا و بازاڕ کردن دەستپێدەکات، پاش نیوەڕۆ و لە دڕئژەی کاروچالاکییەکانی فێستیڤاڵەکدا نمایشی هەڵپەڕکێ و گۆرانی بەڕێوە دەچێت، هەروەها ئیوارە ئاگری نەورۆز لەلایەن گەنجانی عەبابەیلێوە دەکرێتەوە.

 

عەبابەیلێ یەکێکە لە لادێێەکانی دەوروبەری هەڵەبجە و بەهۆی گەورەبوون و فراوانبوونی هەڵەبجە، ئیستا لەگەڵ پارێزگای هەڵەبجە تێکەڵ بووە، ساڵانە خەڵکی ناوچەکە ڤیستیڤاڵی خۆیان ڕێکدەخەن بۆ پیشاندانی بەرهەم و توانای گەنجانیان و پیشاندانی ڕابردوو بە نەوەی ئیستایان.

 

ت.پ