ناوەندی هەواڵ

 

گۆڤاری تروسکە، گۆڤارێکی مانگانەی ڕۆشنبیری، کۆمەڵایەتی، ئەدەبی و ھزری تایبەت بە ژنانە لە باشووری کوردستان، ژمارەی نوێی ٢١١ بە کۆمەڵێک بابەتی تایبەت بە پێشەنگایەتی ژنان و داگیرکاری سەر کوردستان بڵاوکرایەوە.

 

لە ژمارە ٢١١ی گۆڤارەکەدا وتووێژێک لەسەر "ژن... لە ڕۆڵی پێشەنگایەتییەوە، بەرەو ڕێکخستنی کۆمەڵگە" بە بەشداری دایە ئاسکە، کەسوکاری ئەنفال و ئەڤین سوید، نوێنەری خۆبەڕێوبەریی باکور و ڕۆژهەڵاتی سوریا لە هەرێمی کوردستان و ژینۆ ڕەشید - نووسەر و چالاکوان بڵاوکراوەتەوە، هاوکات لە بواری هزریدا لەسەر "ئازادی لە پێوەری ئەتیک – ئەستاتیکدا" بابەتێک پێشکەشکراوە.

 

چەندین بابەتی دیکە لە گۆڤارەکەدا پێشکەش بە خوێنەران کراوە، لەوانە:

 سیاسی: هەڵوێست و ئازایەتی، ئێوە ئازاد دەکات لەلایەن نورحه‌ق گوڵبەهار – ڕۆژنامەنووس

 کۆمەڵایەتی: واتای کەرامەت و بێكە‌رامە‌تكردنی تاك چییە‌؟ لەلایەن ڕۆزا حەمەساڵح – نووسەر و وەرگێڕ

 

تەندروستی: شێرپەنجەی مەمک لەلایەن شەیما فوئاد – خوێندکاری پەیمانگا

تایبەت: کۆمەڵگا لە پێشەنگایەتی ژن و پیاوسالاریدا لەلایەن شەیما عەدنان – چالاکوان

  -چۆن و بۆچى چووينە شەنگال؟ لەلایەن فائیزە فوئاد - ئەنجومەنى باڵاى زەردەشتيانى كورد  ــ پەورڤاتات

  -داگیرکاری نەرم بێت یان زبر هەر داگیرکارییە لەلایەن مژدە عەلی – نووسەر

  -میدیا ئەگەر بۆ بە ئاگاهێنانەوەی هاونیشتمانیان نەبێ، با هەر نەبێ لەلایەن هەوار خورشید – ڕۆژنامەنووس

 

هەر لە بڵاوکراوەی نوێی گۆڤارەکەدا لە بواری هونەری و ڕوناکبیریدا دوو بابەت لەسەر فیلمی سینەمایی "هێزا" لە دەستی داعشەوە بۆ فەرماندەیەکی یەژەشە و پەرتووکی "چنینی داهاتوویەکی دیکە" ئامادە کراوە.

 

گۆڤارەکە بە دروشمی "ژن، ژیان، ئازادی" لە ماوەی چەندین ساڵی ڕابردوودا لە رێگەی ھەڵسەنگاندنی پرسەکانی ژنان و روونکردنەوەیان لەپێناو پێشخستنی ژنان لە بواری فکریدا کاری کردووە.