ناوەندی هەواڵ

 

شەوی ڕابردوو لە سەکۆی ئازادی لە پارکی ئازادی شاری سلێمانی، ڕێکخراوی نوێگەر بۆ گەشەپێدانی هونەری شەوە ئاهەنگێک سازکرا و تێیدا پیرۆزبایی ١ی ئایار/٥ ڕۆژی جیهانی کرێکارانیان کرد.

 

پێش دەستپێکردنی ئاهەنگەکە نەسیم محێدین، وتاری ڕێکخراوەکەی خوێندەوە و ئاماژەی بەوەدا: بەرز ڕاگرتنی ئەم ڕۆژە ئامانج لێی ڕێزگرتنە لە ڕەنجی مرۆڤ و هەوڵێکە بۆ هۆشیارکردنەوەی کرێکاران لە مافەکانیان و یەکگرتنیان لە پێناو خەباتێک بۆ بەدیهێنانی دادوەری کۆمەڵایەتی.

هەر لە ئاهەنگەکەدا هونەرمەندان ژینا سەقزی و محەمەد نەچم چەند سرود و گۆرانییەکان پێشکەش بە ئامادەبووان کرد.

بە هەڵپەرکێ و گۆرانی کۆتایی بە ئاهەنگی پیرۆزبایی کردن لە ١ی ئایار، ڕۆژی جیهانی کرێکاران هات.

 

ت.پ