Riha – Çalakiya Nobeta Edaletê ya Malbata Şenyaşar di 9’ê Adara 2021’an de li ber Edliyeya Rihayê daye destpêkirin di roja 596’an de berdewam dike. 

Pêşiya pankartê bi wesayîtê ve hat girtin

Qada bi navê "Quşeya edaletê ya malbata Şenyaşar" ku malbat lê nobet girtibû, hefteya borî ji aliyê polîsan ve hat dorpêçkirin, bi bendên hesinî hat dorpêçkirin û piştre ji aliyê Şaredariya Bajarê Mezin a Rihayê ya AKP'ê ve veguherî otoparka wesayîtan, rastî bertekên tund hat. Polîsan li şaredariya AKP'ê pankarta bi nivîsa "Ji Malbata Şenyaşar re edalet" ku li ser bariyeran daliqandî duh bêyî hişyariyê desteser kirin. Îro jî pêşiya pankartê bi wesayîtekê hat girtin.

‘Hûn nikarin sûcê li dijî mirovahiyê veşêrin’

Malbatê ji hesabên xwe yên medyaya dîjîtal hesabên Wezîrê Dadê yê Tirkiyeyê Bekîr Bozdag û Waliyê Rihayê Salih Ayhan etîket kirin û vê pêyamê dan: “Bi astengkirina otoparka me hûn nikarin sûcên li dijî mirovahiyê veşêrin. nivîsa Edaletê. Têkoşîna edaletê ya dayikan doza her kesê ku wijdanê xwe winda nekiriye ye. Li # Rihayê saeta me di roja 596’an de ye… @bybekirbozdag û @valisalihayhan.”