Navenda Nûçeyan – Partiya Yekitiya Demokratîk (PYD) li hola Meclîsa Bajarê Şedadê yê kantona Cizîrê, civînek taybet ji bo jinan li dar xist. Endamên jin ên PYD’ê û rêveberên saziyên li bajêr tevlî civînê bûn. 

Hevseroka rêxistina PYD’ê  ya kantona Cizîrê Zehra El Elî, di civînê de der barê girîngiya bihêzkirina jinan wekî stûnek bingehîn a avakirina civakek demokratîk û pêşketî de axivî û got, divê tevlîbûna jinan di hemû astan de were zêdekirin.

Zehra her wiha geşedanên siyasî yên dawî û pirsgirêkên ku li herêmê rû didin nirxand û bal kişand ser girîngiya yekitiya pêkhateyan û xebata hevbeş a di navbera hemû pêkhate û mezheban de, ji bo pêkanîna aramiyê.

Beşdarên civinê jî nêrîn û pêşniyarên xwe anîn ziman û xwestin ku xebatên rêxistinî û siyasî geştir bibin.

Jinan her wiha xwest ku jin tevlî hemû qadên têkoşînê, çi di nava partiyê û çi di nava civakê de bibin.