Yemen – Hûsiyan qedexeyên nû li ser jinên ku dixwazin seferê bikin ferz kirin ku jin êdî nikarin bêyî destûra fermî ku belgeyek niviskî bi erêkirina malbatê seferê bikin. Malperên tora civakî û çalakvanên mafên mirovan modelek ji forma destûrê ya ku ji malbata jinekê ku dixwaze seferê bike, belav kirin.

Derbarê vê biryarê de Seroka Weqfa Parastina Mafên Mirovan Huda El-Sirarî wiha got: "Hûsî her dem dixwazin jinan kêm bikin û wan ji hemû mafên wan bê par bihêlin. Ev berdewamiya nêzîkatiyên çewisîner ên ferzkirina sînoran a li ser jinan e."

Li gorî Rêxistina Efûyê ya Navneteweyî, Yemen ji bo jinan yek ji welatên herî xirab e.