Xeza - Êrişên Îsraîlê yên li dijî Xezayê didomin. Di êrişên hewayî yên li Zîvala Xezayê li ser kampa Nusayrat û kampa penaberan a Megazî de hat diyarkirin ku 13 kesên jin û zarok jî di navbera wan de hene jiyana xwe ji dest dane, gelek kes jî birîndar bûne.

Li gorî agahiyên ku ji rayedarên tendirustiyê hatine girtin; di êrişên hewayî yên Îsraîlê, li ser beşa navîn a Zîvala Xezayê pêk anî de 13 kesan jiyana xwe ji dest dane, gelek kes jî birîndar bûne û wan rakirine Nexweşxaneya Şehîdên Eqsayê. Rayedaran diyar kirin ku di navbera mirî û birîndaran de gelek jin û zarok jî hene.

Şahidan diyar kirin ku di êrişên bi balafirên Îsraîlê de ku li ser du malên li kampa Nuseyrat û Megaziyê çêbûn de avahî rûxiyane û gelek xisar çêbûye. Şahidan diyar kir ku komên parastina sivîl û tîmên tendirustiyê, xebatên lêgerîna mirovan di bin xirbeyan de didomînin.

Îsraîlê ji hewa ve êrişê herêma Sefîre ya Helebê kir

Li gorî çavkaniyên herêmî; li herêma Sefîreyê baregeha parastina hewayî û deboya bi hejmara 404, bûn hedefa êrişên hewayî yên Îsraîlê. Li gorî tesbîtan, di êrişên hewayî yên ku deh caran çêbûn de, li herêmê kesên mirine û birîndar bûne hene. Leşkerên artêşa Îsraîlê, dema ku bi balafiran operasyona danînê dikir, di navbera wan û hêzên çekdar ên li herêmê de pevçûn derketine. Li herêma Sefîre, saziyên senayiyê û navenda lêkolînên leşkerî yên ji dema Esed mane hene.