Amed- Danişîna duyemîn a qetilkirina zaroka bi navê Narîn Guran (8) ku di 21’ê Tebaxê de li gundê Çûlî yê navçeya Rezan a Amedê winda bû û di 8’ê Îlonê de cenazeyê wê hate dîtin, tê lidarxistin. Beriya danişînê, pêkhateyên Tora Têkoşîna li Dijî Tundiyê ya Amedê li pêşiya Edliyeyê daxuyanî dan. Nûnerên gelek rêxistinên jinan û zarokan jî tev li daxuyaniyê bûn.

Di daxuyaniyê de Rêvebera Komeleya Jinan a Rosayê Berfîn Polat axivî û got: “Di 29’Ê Tebaxê de Narîn bi hevkariyek qirêj hate windakirin. Cenazeyê Narîn li ser îfadeyan piştî 19 rojan hate dîtin. Em  ji bo daxwaza edaletê bilind bikin li vir in.”  ‘

Cînayet sîstematîk e’

Piştî axaftina Berfîn Polat Merve Karadaş a metna çapemeniyê xwend. Merve Karadaş destpêkê Rojîn Kabaiş ku bi awayek guman jiyana xwe ji dest da bibîranî û wiha got: “Em ê şopdarê doza Rojîn û Narînê bin. Ev cînayet ne takekesî ye sîstematîk e.” 

Merve Karadaş da zanîn ew encax bi piştevanî û têkoşînê guhertinekê çêbikên û got: “Em bang li her kesî dikin ku piştevaniya me mezin bikin, dengê me bilind bikin û piştgiriyê bidin têkoşîna edaletê.”   

 Piştre girse ji bo rûniştinê derbasî eywana rûniştinê bûn.