FATIMÊ REŞAD

Yemen – Rojnamevan Neaêm Xalid bi bernameya xwe ya bi navê ‘Têkoşînên ku îlhamê dide’ zorî derbas kiriye û hewl dide serpêhatiyên kesên xwedî pêwîstiyên taybet ragihîne. Ev bername armanc dike ku îlham û hêzê bide kesên xwedî pêwistiyên taybet ku karibin armanc û xeyalên xwe pêk bînin.

Bernameya ku Neaêm Xalid dixwaze tenê bi zoriyan re sînordar namîne, di heman demê de, çîrokên serkeftina kesên xwedî pêwîstiyên taybet, bi biryarên bi hêz çawa karên xwe ava kirine, bi van karên biçûk çawa gihane serkeftinê tîne ser ekranan. Ev bername hişmendiya ku kesên xwedî pêwîstî weke kesên ku di rewşa zor de şikandiye, wan weke kesên berhemdar bi civakê dide nasîn. Bernameya ‘Têkoşînên ku îlhamê didin’ wê di meha Adarê de li ser televîzyona Yemenî ya Edan Tv bê weşandin.

'Bername balê dikşîne ser çîrokên kesên xwedî pêwistiyên taybet'

Neaêm Xalid got ku bernameya wê bi awayek cuda balê dikşîne ser çîrokên serkeftinên kesên xwedî pêwistiyên taybet û peymanên wan bi riya vê bernameyê bighijîne temaşevanan. Neaêm Xalid wiha got: "Ev bername pîşeya min a medyayî temsîl dike. Kalîteya hilberînê di bernameyê de yek ji faktorên herî girîng ên serkeftina wane. Ji aliyê kişandina dîmenan û dekorên cihê bernameyê ji aliyê rojnamevanên jin ve tên amadekirin. Tîma bernameyê piraniya wan jin in.”

'Bername îlhamê dide kesên xwedî pêwistiyên taybet'

Neaêm Xalid dest nîşan kir ku ev bername îlhamê dide kesên xwedî pêwîstiyên taybet û bi taybet ji bo jinan e û ev tişt got:  “Ev bername ne bernameyek normal e, îlham û serfiraziyê dide kesên xwedî pêwîstiyên taybet. Ev bername balê dikşîne ser hêza îradeya mirovî û serkeftinên di şert û mercên herî dijwar de bi dest dixin. Girîngî dide jinan û îsrara wan di pêkanîna xeyalên wan de.”