Navenda Nûçeyan- Civîna Hevkar a Konseyê û Lijneya Rêveberiya Teşkîlata Herêmên Rojhilata Navîn û Rojavayê Asyayê ya Rêveberiyên Herêmî û Bajarên Yekbûyî (UCLG-MEWA) bi malovaniya Şaredariya Bajarê Mezin a Amedê li Amedê dest pê kir.

Civîn bi mijara “Dîplomasiya Herêmî: Avakirina Pêşeroja Bajariyî” tê lidarxistin. Hevşaredarên Bajarê Mezin ên Amedê Serra Bûcak û Dogan Hatûn, Sekreterê Giştî yê UCLG-MEWA’yê Mehmet Dûman û nêzî 30 hevşaredarên neteweyî û navnetewî, û rêveber tevli civînê bûn.

Civîn dê du rojan bidome

Hevşaredara Bajarê Mezin a Amedê Serra Bucak jî anî ziman ku ew ê di hevdîtinên du rojan de mijarên girîng ên di rojeva bajaran de nîqaş bikin û wiha got: “Bêguman em ê ji van nîqaşan di asta herî bilind de sûdê bigrin û ji bo bajarên xwe encamên erênî bi dest bixin. Lê em kêm in em bi xemgîniya kêmbûnê hatin cem hev. Me dixwest bi hemû şaredar û rêveberên Rojhilata Navîn û rojavayê Asyayê re em bên ba hev. Diviyabû Serokê UCLEG-MEWA’yê yê hêja Tayseer Abu Sneineh, şaredarên endam, nûnerên rêveberiyên herêmî li vir bûna lê ji ber polîtîkayên şer, qirkirin û dagirkeriyê yên li welat û herêmên xwe nikaribûn bi awayekî fizîkî beşdarî civînê bibin.”

‘Divê em hevkariyê bi pêş bixin’

Serra Bucak, di berdewamiya axaftina xwe de wiha got: “Hêviya min heye ku em ê rojekê bê kêmasî van eywanan dagirin. Ez dixwazim weke yek ji hevşaredarên ku azadiya wan a tevgerînê ji aliyê hikumetê ve hatiye sînordarkirin biaxivim.” Bucak, bal kişand ser girîngiya tecrubeyên hevpar û wiha berdewam kir: “Em her çiqas di erdnîgariyên cuda de bijîn, bi zimanên cuda biaxivin jî ev astengî me di tecrubeyên hevpar de dike yek. Ji vê hêlê ve ez dîsa dixwazim balê bikşînim ku dîplomasiya xwe cih ji bo zêdekirina hevkariya bajar û herêman û mîsogerkirina aştiyeke mayinde û bi rûmet xwedî girîngiyeke mezin e. Kanalên diyalogan ên li ser asta herêmî hatine vekirin dikarin dengê gelan bigihîjînin qada navneteweyî û rê li ber çareseriyên aştiyane li ser asta herêmî û navneteweyî vekin.”

‘Divê em dengê aştiyê bilind bikin’

Serra Bucak, da zanîn ku bi bê fonksiyonkirina rêveberiyên herêmî re rû bi rû ye û gotinên xwe wiha bi dawî kirin: “Ji bilî hewldana ku şaredariyan bînin asta nikarin bixebitin, civak rastî siyaseta dijberiyê tê. Em encamên vê her roj li bajarên xwe dibînin. Jin ji aliyê zilaman ve tên kuştin, zarok tên windakirin, kuştin! Navendên bajaran dibin şahidên xizaniya herî zêde, bêkariya ciwanan ji her demê zêdetir e. Jin û ciwan bi bêpêşerojî û bêhêvîtiyê re rûbirû ne. Em neçar in dengê aştiyê ku pêdiviya me hemûyan e bilind bikin. Ji ber ku li erdnîgariyeke aştî lê nebe, demokrasiya herêmî jî neçar e veguhere têgeheke vala. Li erdnîgariyeke ku aştî lê nîn e, xizmetên şaredariyê wê her dem nîvco bimînin û têrê nekin. Ji ber vê yekê tevî ku çand, ziman û baweriyên me cuda ne jî ji bo avakirina torên piştevaniyê yên di nava herêman de em li cihê wê ne û di dema rast de ne.”

Piştî axaftinan heyeta Şaredariya Dura ya Filistinê plaket da Serra Bucak û Dogan Hatun.

Dê du rojan bi sernavên cuda rûniştin werin lidarxistin

Dê du rojan Lijneya Rêveber û Meclisê ya UCLG-MEWA û "Komîteya Dîplomasiya Bajêr û Rêveberiya Herêmî ya UCLG-MEWA: Hevkariya Navbajaran", "Diyaloga Asta Bilind: Bandora Civakî ya Cîhanê" 2 rojan berdewam kir. Bername", "Nirxandina Herêmî ya Dilxwaz (Nirxandina Herêmî ya Dildar) VLR): Nirxandina Rojevên Gerdûnî", "Komîteya Bajarên Zêrîn û Tevgera Bajar a UCLG-MEWA: Veguhestina Bajar li Herêma MEWA", "Komîteya Bajarên Zêrîn û Tevgera Bajar a UCLG-MEWA : Li Bajaran Berxwedêrî û Çareseriyên Aqilmend" rûniştin werin lidarxistin.