Navenda Nûçeyan – Wezareta Tenduristiyê ya Filistînê derbarê binpêkirinên li Xezeyê de daxuyaniyek weşand. Li gorî daxuyaniyê, di 24 saetên dawî de 10 Filistînî, ku sê ji wan zarok in, ji ber birçîbûn û kêmasiya xwarinê mirine.

Bi vî awayî, hejmara miriyên ji ber birçîbûnê ji 7’ê Cotmeha 2023’an vir ve gihîştiye 332 kesan ku 124 ji wan zarok bûn.

Li gorî rapora Sınıfandina Qonaxa Ewlekariya Xwarinê ya Yekgirtî (IPC) ya ku ji aliyê Neteweyên Yekbûyî ve tê piştgirîkirin, birçîbûna li Xezeyê ji 15’ê Tebaxa 2025’an pê ve gihîştiye Qonaxa 5an, ku wekî "asta felaket" tê zanîn. Di raporê de hat gotin, "Piştî 22 mehan ji pevçûnên hovane, zêdetirî nîv milyon mirov bi şert û mercên ku ji ber birçîbûn, xizanî û mirinê têne diyar kirin re rû bi rû ne."