Navenda Nûçeyan – Îlahiyatnas Emîne Yucel di dema weşana zindî de bi rakirina laçika xwe li dijî "qanûna komkirina kûçikên li kolanan" nerazîbûn nîşan da.

Serokatiya Karûbarên Olî di xutbeya xwe ya roja Înê ya 1’ê Tebaxê de îdia kir ku pîşesaziya cil û bergan, sêwirînerên modayê û hin derdorên medyayê tazîbûnê teşwîq dikin û di bin navê "azadiyê" û "modernîteyê" de xwe girtinê bêwate dikin. Di xutbeyê de ev tişt hebûn: "Li xwekirina cilên kurt û cilên şefaf, li her derê û ji bo her armancê, fermana Xwedê ya xwe girtinê binpê dike û qedexe ye. Kesên ku cilên teng li xwe dikin ku endamên wan nîşan didin, bi gotinên Resûlê Xwedê 'taziyên ku cil li xwe kirine ne’."  

'Çalakiyeke bertek nîşan dide'

Nivîskara bi laçik Berrin Sonmez jî wekî bertekek li hember vê xutbeyê û xutbeyên piştre yên derbarê mafên mîratê yên jinan de, laçika xwe avêtibû. Îlahiyatnas Emine Yucel jî ragihand ku wê laçika xwe ji ber "qanûna li ser komkirina kûçikên li kolanan" derxistiye. Emine Yucel dema ku laçika xwe derxist, got, "Min dixwest par vê çalakiyê bikim, lê mîtîngek mezin nehat amadekirin. Pêşî, min serê xwe danî û cil û bergên xwe guhertin, paşê ez laçikê bi tevahî derdixim. Ev çalakiyek bi bertek e."

'Di rêveberiya têgihîştinê de tê bikaranîn'

Emîne Yucel, diyar kir ku laçik ji hêla hin beşên civakê ve bi wateyên cûda tê bikar anîn û diyar kir ku hêzên cîhanî vê wateyê ji bo birêvebirina têgihîştinê bikar tînin û got, "Girîngî, nirx û mîsyonek ku ji tu prensîbeke din a Îslamê re nayê dayîn, ji laçikê re tê dayîn. Ji ber vê mîsyona ku tê destnîşankirin, emperyalîzma cîhanî laçika me, digel hestên me yên olî, di birêvebirina têgihîştinê de bikar tîne."