Navenda Nûçeyan – Jinên ji civakên cuda yên li Londonê dê ji bo "Bîranîna Jîna Emînî û Hevdîtina Civakî ya Jinan" ku dê 14ê Îlona 2025’an saet 14:00’an de li Navenda Civaka Kurd a li Haringeyê were lidarxistin, werin cem hev.

Ev çalakî ji aliyê Meclîsa Jinan a Jiyan ve tê organîzekirin, bi boneya salvegera sêyemîn a serhildana "Jin Jiyan Azadî", Jina Emînî û hemû jinên ku jiyana xwe ji dest dane bi bîr tîne. Her wiha armanc dike ku ji bo jinan cîhek peyda bike ku bi hev re parve bikin, hevgirtinê ava bikin û hilberînin.

Axaftvanên çalakiyê Natasha Walter (nivîskara femînîst, damezrênera Women for Refugee Women), Maryam Namazie (kampanyavan, berdevka One Law for All), Mehri Rezai (Komîteya Parlamentoyê ya PJAK), Noura Sabrî (Yekîtiya Jinên Iraqê - Keyaniya Yekbûyî), Dr. Shirona Jude-Manorajh (bijîşk, parêzvana mafên jinên Tamîlî), Dewa Khan (çalakvana mafên jinên Afganî, damezrênera Weqfa Baweriya Dewa), û Freny Pavri (hunermenda Parsî-Zerdeştî) ne.

Di beşa hunerî de, Sara Fotros (hunermenda perkusyon a xelatgirtî, damezrînera Zagros Ensemble), EKA (hunermenda bandûrayê ya Ukraynî ya xelatgirtî ya navneteweyî) û Suna Alan (hunermenda Kurd ku li Royal Albert Hall û dikên TEDx performans pêşkêş kiriye) dê bi performansên xwe beşdarî çalakiyê bibin.

Meclîsa Jinan a Jiyan daxuyaniyek weşand û got, "Em bi rihê 'Jin, Jiyan, Azadî’ ber bi pêş ve diçin. Ev hevdîtin ne tenê bîranînek e, di heman demê de rojek e ji bo pîrozkirina berxwedana jinan û hêza yekîtiyê."