160 malbatên din ji Kampa Holê vegeriyan Iraqê
Hat ragihandin ku îro 160 malbatên Iraqî ku hejmara wan 600 kesin, ji Kampa Holê ya li Rojavayê Kurdistanê vegeriyan Iraqê.
Navenda Nûçeyan – Medyaya Iraqê li gor agahiyên ku ji çavkaniyek agahdar wergirtiye, eşkere kir ku Wezareta Koç û Koçberan a Iraqê 160 malbatên Iraqî ku hejmara wan 600 kesin, ji Kampa Holê ya li Rojavayê Kurdistanê vegerandine Kampa Ceda ya li Musilê. Hat gotin ku piraniya wan jin û zarokin.
Di heman nûçeyê de hatiye diyarkirin ku veguhestina wan malbatan bi hemahengî û hevbeşî pêkhatiye, her wiha hejmara malbatên ku heta niha ji Kampa Holê hatine vegerandin gihiştiye nêzî 3 hezar malbatan.