hiqûq

08:55

Jinên Iraqê hişyarî li ser guherandina benda 57’an a zagona rewşa kesane ya welat der barê danîngeha zarokan de dan, di demeke ku parêzvanên mafên mirovan piştrast kirin rêjeya rewşên hevberdanê di astek bilind a bi xeter de ye.

13:08

Li Mêrdînê rûniştina doza 5 jê rojnamevan 8 kesên jê dihatin darizandin ji bo mutalaya dozger hat taloqkirin.

11:34

Hevseroka Şaxa OHD’ê ya Rihayê parêzer Ayşe Şehrîban Demîrel a ku rojên derbasbûyî bal kişand ser îşkence û binpêkirina mafên girtiyên li Girtîgeha Tîpa T a Jimare 2 a Rihayê û diyar kir ku ew ê li dijî kesên îşkence kirine serlêdana sûc bikin û bang li saziyên neteweyî û navneteweyî kir ku "bikevin tevgerê”.

07:54

Rêveberiya Komeleya Mafên Mirovan a Herêma Cizîrê Evîn Cuma şixulandina çekên kîmyewî ji aliyê dewleta tirk ve şermezar kir û bang li Rêxistinên Mafê Mirovan kir ku dewleta tirk ji ber şixulandina çekên kîmyewî bê cezakirin.

14:38

Rojnameger û nivîskar Roza Metîna a di çarçoveya doza KCD’ê de tê darezandin beraet bû.

09:28

Parêzer Fazilet Taştan Arserîm bal kişand ku li Rihayê bûyerên kuştina jinan û mirina bi guman zêde bûne û wiha got: “Qetilkirina jinan û bûyerên şîdetê ne bûyerên ferdî ne. Ew bûyer bi nêrîna civak û mêran a li hemberî jinan pêk tên. Ji ber vê yekê kuştina jinan polîtîk e. Her kesê ku jinan neparêze, tedbîran negire û êrîşî mafên wan ê jiyanê bike kiryarê kuştina jinan e.

09:24

Li Îranê ji sala 1980’an ve zagona darvekirinê xistine meriyetê. Di nava 40 salan de bi hezaran kes darvekirine û di nava gorên komî de veşartine. Heta niha jî darvekirin berdewam dike, bi salane gelek kes ji ber sedemên siyasî û ayînî tên darve kirin.

09:31

Bi guherîna qanûna înfazê re, bi sedan girtî bi hinceta ku “rewşa wan nebaş e” nayên berdan. Sekretera Giştî ya Komeleya Hiqûqnasên Azad (OHD) Parêzer Renkîn Ergul diyar dike ku girtiyên tehliyeya wan ji ber sedemên cuda taloqî şeş mehan hatiye kirin, bêyî ku dadgeh bibin dîsa ceza li wan tê birîn û dibêje ku pîvanên di rêziknameyê de ne objektîf in.

09:19

Di rapora otopsiya pêşî ya Gurbet Fîda ya ku li Licê ji aliyê Alî Fîda ve hat qetilkirin de, hat tespîtkirin ku li cihên cuda yên laşê wê şop û birîn hene. Parêzerên ku dosya lêkolîn kirin, bal kişandin ser Gurbet Fîda ya beriya ku bê qetilkirin bi rojan hatiye desteserkirin û îşkencekirin û diyar kirin ku ji bilî kiryar, divê kesên ku tevlî sûc bûne bên tespîtkirin û dosya bi berfirehtir were lêkolin kirin.

08:19

Parêzvanên mafên mirovan ên Yemenê belgeyek fermî ya ku zilm û zora tiliyên hejmarek olperestên zilm tê de hebû û zordarî li jinan dikin parve kirin. Belgaya ku hat parvekirin îsbat dike ku milîsên Hûsî ceza li malbatên Yemenê yên ku li dijî qanûnên nû derdikevin ferz dike.

15:29

Di rûniştina doza modelîsta Yemenê Întisar El-Hammadî de parêzerên parastinê, daxwaz kirin ku tawanên exlaqî û xirab ên ku ne li ser delîlan in werin rakirin ku yek ji wan îdiaya dozgeriyê ya ku hatibû gotin Întisar Al-Hammadi keçên nenas teşwîqê fuhûşê û kiryarên bêedeb kiriye.

08:32

Jinên Tûnisê yên ku di kargehên cuda de dixebitin ji aliyê xwediyên kar ve rastî gelek neheqî û bêmafiyan tên. Di gelek fabrîqeyan de cudahiya zayendî heye û her tim jin hîn zêdetir kar dikin karker hem diwestin û li hemberî vê westanê jî hem rastî neheqiyê tên hem jî heqdestek kêm digrin.

13:24

Şer û pevçûnên ku çêdibin, zêdetir jiyana zarokan vediguherînin dojehê. Zarokên ku pêdiviya wan bi xwedîkirina baş a madî û manewî heye; ji ber şerên ku mezin derdixin, xwe di nava jiyana zor û zehmet de dibînin ku ev yek ne li gorî tu awayê zarokatiyê ye. Idlib yek ji wan deran e, zarok ji beden û temenê xwe girantir di bin barê jiyanê de ne. Ev zarok hem dixebitin hem jî ji birçîna parsekiyê dikin.

09:20

Parêzer Reyhan Yalçindag Baydemîr, bal kişand ser pirsgirêkên tenduristiyê yên giran ku siyasetmedara Kurd Aysel Tugluk ev salek e pê re rû bi rû ye û xwest ku e demildest bê berdan û bal kişand ku Serokatiya ATK’ê ya Stenbolê ku rapora "Ew dikare di girtîgehê de bimîne" amade kiriye, di rewşek neyînî de, dê berpirsiyar be. Reyhan Yalçindag Baydemîr diyar kir ku wan li hemberî vê mijarê îtîraz kirine û da zanîn ku dê pêvajoyên zagonî bên destpêkirin.

14:43

Şandeya dadgehê ji bo amadekirina mutalayê rûniştin doza aktîvîsta TJA yê Figen Ekti taloqî 8'ê Kanûnê kir.

14:40

Der barê rojnameger Nurcan Yalçin de bi îdiaya sûcê "endamtiya rêxistina terorê" û "kirina propagandayê" 20 sal cezayê girtîgehê hat xwestin. Danişîna din di 22’ê Mijdarê de were dîtin.

08:45

Li kantona Girê Spî, beriya dagirkirinê, hejmara dibistanan gihîştibû 426 û niha tenê 100 dibistan li gundewarên rojavayê Girê Spî di bin parastina Hêzên Sûriyeya Demokratîk û navçeya Eyn Îsa de ne. Her çendî di xizmetê de bin jî carna ji ber bombebarana bêserûber a deverê tên girtin.

08:35

Li gelek welatên cîhanê hîna jin têkoşîna mafê kurtajê dimeşînin û gelek caran ev hewldanên wan rastî nêrînên dijber tên. Jin bi kevneşopiyên adet û texalîtan tên gunehbarkirin û sezadan.

11:44

Runiştina doza parlamentera HDP'ê ya Êlihê Feleknas Uca ya ji ber daxuyaniyên dayî tê darezandin hat dîtin û doz taloqî 11’ê Çileya 2022’an hat kirin.

10:21

Di nav 12 salan de, der barê Ceylan Onkol a 12 salî ya ku dema pezê xwe diçêrand bi guleya hawanê ya qereqola leşkerên tirk jiyana xwe dest da, kesek bi tenê jî nehat cezakirin. Parêzer Derya Yildirim bal kişand ku dozger di dema lêpirsînê de sûcdaran diparêze û diyar kir ku tevî hemû rastiyan jî doz bi biryara neşopandinê bi encam bûye û destnîşan kir ku bêcezatî binpêkirinên nû bi xwe re tîne.