Navenda Nûçeyan – Komeleya Rojnamevanên Jin a Mezopotamyayê (MKG) rapora binpêkirina mafên rojnamevanên jin a Îlona 2025'an eşkere kir.

Di raporê de hate diyarkiri ku rojnamevan ji ber pîşe û nasnemaye xwe tên hedefgirtin û tevî hemû zextan dest ji ragihandina rastiyê bernadin û wiha hate gotin: “Rojnamevan dema ku li kolanan, li dadgehê, an jî di dema binçavkirinê de nûçeyan dişopînin, zext li wan tên kirin û tên astengkirin. Tevî vê yekê jî, ew di lêgerîna xwe ya rastiyê de israr dikin. Îro, rojnamegerî li Tirkiyeyê ne tenê pîşeyek e; ew bûye têkoşînek ji bo rastiyê.Îro li Tirkiyeyê, rojnamevantî, ne ten pîşeyeke, di heman demê de têkoşîna ji bo heqîqetê tê kirin e.”

Zext bi Tirkiyeyê re sînordar nema

Di raporê de bal kişandin ser bûyera binçavkirina rojnamevan Heval Arslan ku di meha Îlonê de li Belçîkayê hat binçavkirin û hate diyarkirin ku vê yekê jî nîşan da ku zextên li ser rojnamevanên jin ne tenê bi Tirkiyeyê ve sînordar in û ev tişt hate gotin: “Hedefgirtina rojnamevanên jin ên Kurd li Ewropayê nîşanek eşkere ya nerehetiya li hember hêza têkoşîna jinan ji bo çapemeniya azad e. Vê rewşê careke din girîngiya hevgirtina navneteweyî ya di navbera rojnamevanan de derxist holê. Li gel zordariya dewletê, şîdeta mêran û sansurê, rojnamevan bi pênûsa xwe bi berdewamî li ber xwe didin. Ji bo wan, ragihandina nûçeyan ne tenê erk e; ew beşek ji lêgerîna wan a ji bo azadî û wekheviyê ye.”

Di raporê de bal kişand ser astengiyên derbarê hesabên rojnamevanan ên medyaya dijîtal û wiha hate gotin: “Di demên dawî de, girtina hesabên medyaya dîjîtal, sînordarkirinên gihîştinê û sansura dîjîtal wekî rêbazên nû ji bo bêdengkirina dengê rojnamevanan derketine holê. Lêbelê, jin, bi rêya hevgirtinê, li kolanan dengê xwe bilind dikin.Tevî hemû zextan, rojnamevan mafê raya giştî yê agahdariyê diparêzin û rastiyê radigihînin. Ji ber ku çapemeniya azad bi wêrekî û wijdanê ku ji pênûsa jinan tê afirandin li ser lingan disekine.”

Li gorî raporê, 4 rojnamevan rastî êrîşan hatin, derbarê 5 rojnamevann de lêpirsîn hate destpê kirin, derbarê 3 rojnamevanan de doz hate vekirin.