MEMÎHAN HÎLBÎN ZEYDAN

Wan – Her çendî pêvajoya aştiyê ku bi banga Rêberê Gelê Kurd Abdullah Ocalan a ji bo Aştî û Civaka Demokratîk di 27’ê Sibata 2025’an de dest pê kir berdewam dike jî dewleta Tirk hê tu gav neavêtiye.

Her çendî tê payîn pêvajo bi gavên berbiçav ên gelê Kurd wê bidomin jî dewleta Tirk tu gavên pratîkî neavêtiye ev yek jî dibe sedema bertekan. 

Jinên li Wanê hêviyên xwe ji bo pêvajoyê anîn ziman. 

Şînda Ayazgun diyar kir ku ji destpêka pêvajoyê ve ji aliyê Dewleta Tirkiyeyê ve tu gavên cidî nehatine avêtin û got: “Ji bo ku pêvajo bi pêş bikeve divê di zûtirîn demê de gav werin avêtin. Divê pêvajo bi gavên tekildarî ziman, hiqûq û civakê were berdewamkirin. Divê gel û dewlet her tiştê ku ji destên wan tê ji bo pêvajoyê bikin.” 

‘Tenê diaxivin tiştek berbiçav tune ye’ 

Endama Meclîsa Şaredariya Artemêtê Bêrîvan Polat, behsa banga 27’ê Sibatê ya Sibatê Rêberê Gelê Kurd ve hatiye destpêkirin kir tekez kirk u ji aliyê gelê Kurd ve gavên girîng hatine avêtin û got: "Lê belê, tevî ku salek û nîv di ser destpêkirina pêvajoyê re derbas bûye jî dewleta Tirk bersiv nedaye. Ew dixwazin pêvajoyê wiha bidomînin. Li ser pêvajoyê nîqaş hene lê tiştek berbiçav tune ye. Divê gavên tavilê werin avêtin da ku bersivê bidin pêvajoyê. Divê pêşîniyê bidin hevalên me yên digirtîgehan de û di zûtirîn demê de werin berdan. Em dixwazin tavilê bersivek ji pêvajoyê re were dayîn.” 

‘Dewleta Tirk gel asteng dike’ 

Endama Meclîsa Şaredariya Artemêtê Guneş Ogmen jî got: “Daxwaza me ya sereke azadiya fizîkî ya birêz Abdullah Ocalan e, dûre jî azadiya girtiyên siyasî ye." Guneş Ogmen destnîşan kir ku divê niha gavên cidî ber bi pêvajoyê ve werin avêtin û got: “Gelê Kurd bê alternatîf nîn e; ew xwedî hêzeke mezin in. Em hêza xwe ji rêberê xwe digrin. Dewlet ji bîr dike ku Kurd dikarin çarenûsa Tirkiyeyê biguherînin. Divê em fêm bikin ku heke tavilê gav neyên avêtin, kes nikare bi rehetî li ser desthilatdariyê bimîne. Me nîşanî her kesê da Kurd di pêvajoya Rojava de çawa bûn yek. Divê dewlet dev ji astengkirinê berde û tavilê gavek bavêje." 

‘Daxwaza me azadiya fîzîkî ya Abdullah Ocalan e’ 

Hevseroka DBP’a Wanê Mehtap Bozkurt, daxwaza azadiya fizîkî ya Abdullah Ocalan kir diyar ku daxwaza azadiya fîzîkî ya Abdullah Ocalan kir û diyar kir ku Kurd dixwazin li welatekî azad jiyana bi rûmet bijîn û axaftina xwe wiha bi dawî kir: “Em bi milyonan kes xwedî nasname, ziman û çandê ne. Gelê Kurd tiştê ku mafê me ye dixwaze. Bi milyonan Kurd niha bê nasname mane; em dixwazin di vî warî de gavek were avêtin. Divê dewleta Tirk gavek ber bi aştî û azadiyê ve bavêje. Divê girtiyên siyasî yên werin berdan. Hemû dayikên Kurd li ser riyên girtîgehan in. Em dixwazin jiyana azad bijîn."