Navenda Nûçeyan- Erdheja bihêz a ku di 29’ê Adarê de li herêma Sagaing a navenda Myanmarê pêk hat bû sedema wêraniyeke mezin. Di du erdhejên bi pileya 7,7 û 6,4’an de hejmara kesên jiyana xwe ji dest dan bû hezar û 600, 3 hezar û 408 kes jî birîndar bûn. Hat destnîşankirin ku herêma herî zêde ji erdhejê bandor bûye Mandalaya ku duyemîn bajarê herî mezin ê welêt e ye.  

Agirbest hat ragihandin 

Desthilatdarên Myanmarê rewşa awarte li şeş herêmên ku herî zêde zirar dîtine ragihand, di heman demê de koma serhildayan, Hêzên Parastina Gel agirbestek qismî ya du hefteyî ragihand ku roja Yekşemê dest pê kir ji bo hêsankirina operasyonên alîkariyê piştî erdheja bihêz a ku welat rû da. Hêzên Parastina Gel got ku ew ê êrîşî artêşê neke lê ger hewce bike dê xwe biparêze, û teqez kir ku ew ê "bi NY û rêxistinên sivîl re hevkariyê bike ji bo dabînkirina ewlehî, veguhestin û avakirina alîkariyên demkî û kampên bijîşkî" li deverên li jêr kontrola wê. 

Li Taylandê avahiyek hilweşiya

Xebatên lêgerînê yên ji bo kesên saxmayî di bin xirbeyên avahiyeke 30 qatî ya di bin înşaetê de hilweşiya, li Bangkoka paytexta welatê sînorî Taylandê dewam dikin. Bi dehan karker di nav pileyên kavil û tîrêjên pola yên deformekirî de asê mane.

Waliyê Bangkokê got ku herî kêm 8 kes li cihê bûyerê mirin û 8 jî bi saxî hatin rizgarkirin. Lê hêj 79 kes winda ne û dibe ku hejmara miriyan zêde bibe.