Navenda Nûçeyan – Komên girêdayî rêveberiya demkî a Sûriyeyê di 13’ê Tîrmehê de êrişek dijwar bire ser bajarê Suweydayê ya Sûriyeyê. Di navbera wan koman û şervanên xwecihî yên Suweydayê de şer û pevçûnên dijwar derketin.

Li gorî bîlançoya dawî ya Navenda Çavdêriya Mafên Mirovan a Sûriyeyê (SOHR), di encama êriş û pevçûnan de nêzî hezar û 990 kes ji her du aliyan hatin kuştin. Ji hejmara giştî ya kuştiyan, hezar û 490 kes ji Suweydayê, di nav de 765 kes li meydanan hatin înfazkirin.

Li kêlek sûcên qetilkirinê, SOHR’ê 293 rewşên revandina jinên durzî di bûyeran de belge kir, ji wan 42 hatin berdan, du jin di girtîgeha Edra ya Şamê de bêyî darizandin an jî tohmetên zelal ragirtî ne, 14 jin jî piştî revandinê hatine qetilkirin. Di encamê de aqûbeta 235 jinên revandî heta îro nayê zanîn.