Amed – Bertekên li dijî betalkiria Peymana Stenbole ya bi biryarnameya Serokomariyê roj bi roj zêde dibe.  Dema ku duh êvarî jin li gelek bajarên Tirkiyeyê derketin balkonên malên xwe û çalakiya deng derxistinê pêkdanîn, di heman demê de li bajarê Stenbolê jin derketin kolanan û gotin, “Em biryarê nasnakin” .Yek ji wan kesên ku bertek nîşanî biryarê da Seroka Komeleya Jinan a Rosa yê Adalet Kaya ye. Adalet Kaya destnîşan kir ku biryara hatî girtin êrîşek li dijî destkeftiyên jinan e û da diyar kir ku wan rewşa desteserkirina destkeftiyên jinan jiyaye.

"Ev peyman belgeya mafên mirovan a jinan e"

Adalet Kaya da diyarkirin bi salan e jin ji bo pêkanîna Peymana Stenbolê têdikoşin û got, "Her gav hin axaftin û siyasetên wan wekî ‘dijminatiya malbatê’ an ji ‘em ê vê peymanê hilweşînin " hene. Hewldanên bêhurmetkirina Peymana Stenbolê hebû. Wan ev bêhiqûqî îdam kirin. Bi biryara serokomariyê vekişîna ji peymana navneteweyî bi qanûnî nerast e û ti bandora wê tune. Em wekî rêxistinên jinan û jinên ji bo mafan têdikoşin, vê pêkanînê nas nakin. Peymana Stenbolê ya me ye. Em ê têkoşîna ku li ser vê mijarê didin  meşandin hin zêdetir bidomînin. Ev peyman belgeyek mafê mirovan a jinan e. Tedbîrên parastin û parastinê yên dewletê, nemaze di pêşîlêgirtina şîdeta li ser bingeha zayendî ya li dijî jinan, di vî warî de behsa pergala cezakirinê dike.

"Ev biryar jinan dike hedefa şîdetê"

Adalet Kaya dibêje: “Peyman bi salan nehatiye pêkanin" û got ku jin li kuçe, mal û her deverê ji hêla xizmên xweyên herî nêz ve hatine qetil kirin. Adalet Kaya, bilêv kir ku ew di serdemên ku şîdet û cûdakariya li ser jinan pir zêde bûne re derbas bûne û gotinên xwe wiha domand: “ Me li  her deverê diqîriya û got ev qirkirina  zayêndi ya jinan e . Ev biryar jixwe pêşvebirina polîtîkayên pêşîlêgirtinê yên li dijî tundiya li ser jinan a dewletê û dûrxistina ji pêkanîna daxwazên wê îfade dike. Ev biryar jinan dike hedefa şîdeta rasterast. Ev ji bo jinan rewşek pir xeternak e. Di vê rewşê de, jin dê bikaribin li her derê pir eşkere bi şîdetê re rû bi rû bimînin. Ev biryar viya îfade dike. "

"Em dev ji mafê xwe yê jiyanê bernadin"

Adalet Kaya, da zanîn ku ev biryarê nasnekin û wiha gotinên xwe dawî anî; "Ev têkoşîna me ya ku bi salan tê meşandin, ji bo pêkanîna vê peymanê  bû. Em tu carî dev ji vê peymanê bernadin. Ev biryar ne qanûnî ye. Em ne dev ji mafên xwe, ne jî dev ji mafê xwe yê jiyanê berdidin.Bi salan ji bo sepandina van qanûnan me hewildanên mezin dan.Em ê hertim bersiva ku li hemberi tekoşinaku em didin tê dayin li berxwe bidin.”