Navenda Nûçeyan – Şêwirmenda berê ya zagonî ya Cîgira Wezîra Karûbarên Jinan a Îranê Eşref Geramî Zadgan da zanîn ku zagona ‘Parastina jinan ji tundiyê’ ji parlamentoyê hatiye vekişandin. Eşref Geramî vekişînê rexnekir û derbarê mijarê de ji malpera Êsta re axivî.

‘Wê ev guhertin bibe sedema lewaziya bicihanîna zagonê’

Eşref Geramî wiha got: “Zagona ‘Parastina jinan ji tundiyê’ ku cara ewil di serdema kabîneya dehemîn ya hikumeta Îranê de hatibû amadekirin, li ser daxwaza hikumetê ji parlamentoyê hate vekişandin. Zagon piştî nakokiya gelek salan ya di navbera hikumet, parlamento û dadwer ya li ser guhertinê, hate vekişandin. Ev zagon êdî bandor û armanca xwe ya bingehîn ji dest daye û êdî nikare pêdawîstiyên rasteqîn yên jinan dabîn bike. Divê zagon ji bo derxistina biryar û piştgiriya jinên qurban, bibe alîkar. Bivê yekê re rola Cîgira Wezîra Karûbarên Jinan ji projeyê tê dûrxistin û Wezareta Karê Hindir û Encûmena Komelayetî cihê wê digire. Wê ev guhertin bibe sedema lewaziya bicihanîna zagonê.”

Hêjayî bibîrxistinê ye di Kanuna 2020’an de û di kabîneya dehem ya parlamentoya Îranê de, proje yasaya ‘Parastina jinan ji tundiyê’ pêşkêşî parlamentoyê hatibû kirin. Di vê meha Hezîrana îsal de jî bi armanca guhertina di parlamentoyê de, yasa ji parlamentoyê hate vekişandin.