civak/jiyan

14:09

Li gor rapirsîna rojnamevan Hejan Xalid dabû destpêkirin bi giştî di nava dû salên derbasbûyî de li herêma Kurdistanê ji sedî 85 rojnamevanên jin rastî zorkêşiyê hatine û destnîşan kir ku serkeftina karê jinan a di ragihandinê de, serkeftina li hemberî zorkêşiyê ye.

15:19

Dayikên Şemiyê, di çalakiya vê hefteyê de ji bo Ayşenûr Şîmşek a di sala 1995'an de di binçavan de hat windakirin û cenazeyê wê li goristana bêkesan hat veşartin, edalet xwestin. Xwişka Ayşenûr Şîmşek Fatma Şîmşek diyar kir ku xwişka wê ji ber fikrên xwe hatiye qetilkirin û wiha got: “Em kujerên xwişk û birayên xwe, bavê xwe, zarokên xwe nas dikin.”

08:39

Nisrîn Kenan û Xalîse Hec Ebid Qadir der barê av û cereyana li herêmê de wiha gotin: "Dewleta tirk bi hemû rê û rêbazan gefên xwe li ser herêmê pêk tîne, ji bo wê jî divê gelê herêmê bi me re bibe alîkar da ku em bikaribin bi hev re li dijî van kiryaran bisekinin û çareseriyê ji hemû pirsgirêkan re bibînin."

09:08

Xizmên girtiyan ku ji bo girtiyên nexweş serbest bên berdan 74 roj in di "Nobeta Edaletê" de tên cem hev, bal kişandin ser wê yekê ku heta daxwazên wan bên qebûlkirin wê çalakiya wan bidome. Xizmên girtiyan bertek nîşanî bêdengiya Wezareta Dadê ya li pêşberî van çalakiyan bêdenge jî dan.

08:17

Hêzên Parastina Civakî-Jin ku derketine kolanan û parastina taxên xwe ji xeteriya çeteyên DAIŞ'ê dikin dan zanîn ku çeteyên DAIŞ'ê hêzeke terorê ne û xeteriyek li ser hemû mirovahiyê ne û gotin: "Divê civaka me li hemberî xetera çeteyên DAIŞ'ê baldar be û em ê welat û axa xwe ji çeteyan biparêzin."

08:54

Bi pêvajoya pandemiyê re zêdebûna binpêkirinên mafên girtiyan jî zêde bûn û ev yek veguherî tecrîdê. Xizmên girtiyan bertekên xwe yên li hemberî vê rewşa tê jiyîn didomînin. Girtiyê bi navê Abdulkadîr Yilmaz ê bi salan di hucreya yek kesî de tê girtin û derûniya wî xirab bûye, ji bo dengê wî neyê bihîstin pencereya hucreya ku lê dimîne jî hat girtin her wiha tevî ku nexweş e jî nayê dermankirin.

09:18

Xwendekarên jin ên li Dêrsimê di yûrdê de dimînin, ji ber dûrbûna yûrdê ji navenda bajêr zehmetiyan dikşînin. Xwendekarên jin destnîşan kirin ku ji ber nehatina servîs û mînîbusan a ji bo yûrdê neçar in bi deqeyan di riya tenha de bimeşin û ji bo ewlehiya xwe daxwaza çareseriyeke lezgîn kirin.

08:18

Rêvbera Ofîsa Zagonî ya Rêxistina Sara ya li Dijî Tundiya li Ser Jinan Arzu Temo li ser parastina jinan ji şidet û qetilkirinê got: “Bi şoreşa Rojavayê Kurdistanê re gelek sazî û dezgehên parastina jinê mina Rêxistina Sara, Mala Jinê û Asayişa Jinê avabûne. Herkes dikare xwe bighîne van rêxistinan da ku em bikaribin alîkariya jinên ku rastî tundiyê tên, bikin. Ger em van xalan pêk bînin, wê demê em mafê xwe û mafê derdor bidest dixin û diparêzin. Destek nikare tiştekê bike, pêwiste em hemû yekdest bin û civaka xwe ji tehlûkeyan biparêzin da ku bûyerên wiha neghêjin asta qetîlkirina jinan."

10:41

Di werza zivistanê de ji ber nebûna neft, gaz û kehrebeyê jiyana hemwelatiyan gelek zehmet bûye. Her wiha nîha nefta hikumî jî giran bûye di nava bajar de serê malbatê 200 litre bi 90 hezaran tê kirîn û ji derveyî bajar jî bi 55 hezar dînarane.

08:05

Seher Ebdil Mecîd û keça xwe Îtab Mihemed Hesen ên ji Misrê ne zêdetirî 20 sal in derbasî Sûriyeyê bûne û li herêmên Bakur û Rojhilatê Sûriyeyê dijîn, rêwîtiya hatina xwe ya ji Sûriyeyê re vegotin û dan zanîn ku axa bi xwîna kurê wan hatiye avdan û hêza ku rûmet, zarok û nasnameya wan parastiye wê dest jê bernedin.

11:09

Civaknas Hediye Elî di derbarê perwerdeya zarokan de got: “Di nava malbatê de divê zarok werin perwerde kirin ne werin sezadan. Zarok bi tirsandin fêrî tundîtujiyê dibe, nêzîkatiyên li beramberî dayikê tê guhertin û têkiliyên wan zarokan li gel endamên malbatê nebaş dibe. Ji ber wê jî divê bi baldarî bên perwerdekirin.”

09:53

Nêvîn Ebû Karş bal kişand ser hedefgirtina komeleyê ji zarokên temênê 10 heta 15 salî, bi riya dewreyên piştgiriya psîkolojîk bi du rûniştinan û wiha domand: "Projeyek din wekî pêngavek bû ji bo danîna pêlîstokên behrê li parka deryayî li Xan Yûnisê ku ji aliyê Bernameya Neteweyên Yekbûyî û Tora Medyayî ya Watan ve tê fînansekirin ew di du qonaxan de bû.

12:07

Canan Işik a ku li Semsûrê ji aliyê hevjînê xwe Mahmut Işik ve her dem rastî tundiyê di hat, bi zarokên xwe re çû ba malbata xwe lê piştî çendek birayê hevjînê wê yê ku çawîşê pispor bû hat mala wan û ji bo vegere mala xwe wê îqna kir û şandin malê. Canan Işik piştî ku çû malê dîsa ji nû ve rastî tundiyê hat bi zarokên xwe re çû stargehê û doza hevberdanê vekir lê rojek beriya doza telaqê ji aliyê zilamê ku pê re zewicîbû û biryara parastinê girtibû ve hat qetilkirin. Malbata Canan Işik xwest ku kiryar cezayê herî giran bigre.

09:58

Ji ber şer û teqînan, gelek zarok li herêmên Sûriyeyê astengdar dimînin û wekî ku ev bes nebe li kampan di nava şert û mercên xirab de mehkûmê jiyanê ne. Barê giran ê vê yekê jî dikeve ser milên dayikên wan. Yek ji wan jina bi navê Maysoon Al-Borgul a 32 salî ye. Li ser bûyera ku hatiye serê zarokên wê wiha dibêje: "Herdu xwişk li baxçeyê malê dilîstin, dema ku balafiran mala me bombebaran kir, mûşek çend kîlometre dûrî me ket û yek ji keçan bi şeziyên mûşekê jiyana xwe ji dest da û ya din jî heta dawiya jiyana xwe ker ma.”

08:43

Kefa Ibeyîd a ku ji gundê Şêx Elî ji ber topbarana dewleta tirk koç dibe û li gundê Til Şinan bi cih dibe, dema ku çeteyên dewleta tirk a dagirker gundê Til Şinan didin ber topan, ji lingê xwe birîndar dibe û ev 5 meh in li erdê ye nikare bimeşe. Kefa dibêje ku ew tiştekî ji bilî vegera li gundê xwe û derketina dagirkeran ji axa xwe, naxwaze.

09:08

Têkildarî destkeftiyên komeleyê yên di sala 2021'ê de jî wê ev yek diyar kir: "Di nava projeyên ku em li ser xebitîne de, projeya xurtkirina tevlibûna aktîf a jinan di pêvajoya demokratîk de bi hevkariya Komîteya Navendî ya Hilbijartinan û Yekitiya Ewropayê û projeya "Jin heq dikin" bi Ajansa Îtalyayê ya ji bo hevkariya pêşketinê ku xwe dispêre perwerdekirina komek ji derçûyên zanîngehê ye.

12:46

Wek ku romanûs û nivîskar eşkere kiriye, nivîskariya pirtûka yekem bi navê “Deriyên serkeftinê” ku di sala 2018'an de derketiye, 10551 rûpel e, dirêjiya wê 57 cm. û giraniya wê 45 kg. û naveroka wê 100,000 pend û gotin in. Ew dibêje ku bi pênûsa wê ya taybet hatine nivîsandin û ew wekî mezintirîn pirtûka li cîhanê tê hesibandin ku nivîsandina wê salek domiyaye û rojane 18 seatan li ser xebitiye."

08:15

Ji ber rewşa şer ê li heremê tê jiyîn û koçberiyê zarokên li Îdlîbê jiyanekê zehmet dijîn û ji bo van zarokên derfetên jiyana bi ewleh û tendûrist nayê pêkanîn.

09:52

Aysel Ozkan a li Rihayê diyar kir ku temenê bikaranîna madeyên hişbir daketiye 11 salan, 2 kurên wê ketine nava tora madeyên hişbir û bal kişand ku tevî zarokên wê li dadgehan gotine wan madeya hişbir ji kê girtine jî tu lêpirsîn der barê firoşkaran de nehatiye destpêkirin. Aysel Ozkan bi gotinên; “Li vir sûcê herî mezin ê dewletê ye” bertek nîşanî tiştên ku ew û zarokên xwe dijîn da.

08:15

Hêzên Ewlekariya Hundirîn Jin ango Asayîşa Jin ku prensîba “jiyana azad û pêkanîna edaleta civakî” ji xwe re esas digre, hewl dide jinên Bakur û Rojhilatê Sûriyeyê ji her cure tundiyê biparêze. Her wiha ji ber şert û mercên dijwar ên li herêmê, ewlekarî û aramiyê ji wan re peyda bike.