civak/jiyan

15:01

Dayikên Şemiyê, di çalakiya vê hefteyê de bal kişandin ser têkoşîna ‘Edaletê’ ya Emîne Şenyaşar û Bedriye Doku, du egalên ku ji bo piştgiriyê honandibûn ji her du malbatan re şandin. Xwişka Ferhat Tepe, Ayşe Tepe got; “Ji bo hevjîn û zarokên xwe yên ku hatine qetilkirin em bi qîrîna xwe ya bêdeng ‘nobeta edaletê’ digrin.”

10:03

Hejmareke mezin ji mamosteyê Idlibê ji ber nebûna piştevaniya madî ji piraniya dibistanan re û fonên kêm dev ji mamostetiyê berdidin û tevlî karên din dibin.

09:20

Bi armanca piştgirîdayîna zarokan di warê perwerdeyê de, Nelly Chidiac di sala 2008'an de komeleya "Dengê Zarok" damezrand lê qeyranên li dû hev ên ku ji şoreşa Cotmeha 2019'an vir ve rastî Lubnanê hatin, armancên komeleyê guhert û pêşkêşiyên wê cihêreng kir.

10:36

Dîmenên zarokên Filistînê yên di sermaya zivistanê de pêdiviya wan bi alîkariya mirovî heyî fikra avakirina înîsiyatîfa "Têkoşîna Xêrxwaziyê" bi rojnamevan Amal Hebîb re çêkir û ji bo serxistina vê xebatê kedek mezin da. Amal Hebîb da zanîn ku ew bi vê xebatê kêfxweşe ku her diçe belav dibe û malbatên pêdiviya wan bi alîkariyê heyî li wan digerin û derdê xwe ji wan re dibêjin.

09:12

Hatîce Kabaiş a ku 10 mehan ji aliyê mêrê ku dixwaze hevberdin ve rastî gefên kuştinê dihat, ji ber tundiya ku di vê demê de dît, milê wê şikest. Herî dawî dema ku kelepçeya elektronîk li ser kiryarê tundiyê Mehmet Kabaiş ê biryara dûrxistinê girt hat girêdan, vê carê ji aliyê malbata wî ve dest bi gefên kuştinê hat kirin.

08:44

Nûra Şêxmûs Ehmed a ji gundê Bab El-Xêr a Til Temirê di bin firîna balafirên dewleta tirk a dagirker de ji bo parastina zarokên xwe binerd dikole. Nûra da zanîn ku ew li gorî şerê gelê şoreşgerî xwe birêxistin dikin û ji dewleta tirk a dagirker û çeteyan re dibêjin: "Ger hun dixwazin koka me hilînin, ji bîr nekin ku em tov in û li her derê şîn tên."

08:13

Jinên Şehbayê li ser êriş û dagirkeriya dewleta Tirk li ser Efrînê û êrişên DAIŞ’ê yên bi piştgiriya wê di 20’ê Çileyê de li ser Hesekê hat pêkanîn axifîn û destnîşan kirin ku armanca van êrişan tunekirina aramiya herêmê ye.

11:58

Li herêma Başûrê Kurdistanê herî zêde zarokên karker li bajarê Dihokê dixebitin. Li gora zanyariyên rêxistina parastina zarokan a Kurdistanê hatiye aşkere kirin hezar û 670 zarokên karker hene.

14:09

Li gor rapirsîna rojnamevan Hejan Xalid dabû destpêkirin bi giştî di nava dû salên derbasbûyî de li herêma Kurdistanê ji sedî 85 rojnamevanên jin rastî zorkêşiyê hatine û destnîşan kir ku serkeftina karê jinan a di ragihandinê de, serkeftina li hemberî zorkêşiyê ye.

15:19

Dayikên Şemiyê, di çalakiya vê hefteyê de ji bo Ayşenûr Şîmşek a di sala 1995'an de di binçavan de hat windakirin û cenazeyê wê li goristana bêkesan hat veşartin, edalet xwestin. Xwişka Ayşenûr Şîmşek Fatma Şîmşek diyar kir ku xwişka wê ji ber fikrên xwe hatiye qetilkirin û wiha got: “Em kujerên xwişk û birayên xwe, bavê xwe, zarokên xwe nas dikin.”

08:39

Nisrîn Kenan û Xalîse Hec Ebid Qadir der barê av û cereyana li herêmê de wiha gotin: "Dewleta tirk bi hemû rê û rêbazan gefên xwe li ser herêmê pêk tîne, ji bo wê jî divê gelê herêmê bi me re bibe alîkar da ku em bikaribin bi hev re li dijî van kiryaran bisekinin û çareseriyê ji hemû pirsgirêkan re bibînin."

09:08

Xizmên girtiyan ku ji bo girtiyên nexweş serbest bên berdan 74 roj in di "Nobeta Edaletê" de tên cem hev, bal kişandin ser wê yekê ku heta daxwazên wan bên qebûlkirin wê çalakiya wan bidome. Xizmên girtiyan bertek nîşanî bêdengiya Wezareta Dadê ya li pêşberî van çalakiyan bêdenge jî dan.

08:17

Hêzên Parastina Civakî-Jin ku derketine kolanan û parastina taxên xwe ji xeteriya çeteyên DAIŞ'ê dikin dan zanîn ku çeteyên DAIŞ'ê hêzeke terorê ne û xeteriyek li ser hemû mirovahiyê ne û gotin: "Divê civaka me li hemberî xetera çeteyên DAIŞ'ê baldar be û em ê welat û axa xwe ji çeteyan biparêzin."

08:54

Bi pêvajoya pandemiyê re zêdebûna binpêkirinên mafên girtiyan jî zêde bûn û ev yek veguherî tecrîdê. Xizmên girtiyan bertekên xwe yên li hemberî vê rewşa tê jiyîn didomînin. Girtiyê bi navê Abdulkadîr Yilmaz ê bi salan di hucreya yek kesî de tê girtin û derûniya wî xirab bûye, ji bo dengê wî neyê bihîstin pencereya hucreya ku lê dimîne jî hat girtin her wiha tevî ku nexweş e jî nayê dermankirin.

09:18

Xwendekarên jin ên li Dêrsimê di yûrdê de dimînin, ji ber dûrbûna yûrdê ji navenda bajêr zehmetiyan dikşînin. Xwendekarên jin destnîşan kirin ku ji ber nehatina servîs û mînîbusan a ji bo yûrdê neçar in bi deqeyan di riya tenha de bimeşin û ji bo ewlehiya xwe daxwaza çareseriyeke lezgîn kirin.

08:18

Rêvbera Ofîsa Zagonî ya Rêxistina Sara ya li Dijî Tundiya li Ser Jinan Arzu Temo li ser parastina jinan ji şidet û qetilkirinê got: “Bi şoreşa Rojavayê Kurdistanê re gelek sazî û dezgehên parastina jinê mina Rêxistina Sara, Mala Jinê û Asayişa Jinê avabûne. Herkes dikare xwe bighîne van rêxistinan da ku em bikaribin alîkariya jinên ku rastî tundiyê tên, bikin. Ger em van xalan pêk bînin, wê demê em mafê xwe û mafê derdor bidest dixin û diparêzin. Destek nikare tiştekê bike, pêwiste em hemû yekdest bin û civaka xwe ji tehlûkeyan biparêzin da ku bûyerên wiha neghêjin asta qetîlkirina jinan."

10:41

Di werza zivistanê de ji ber nebûna neft, gaz û kehrebeyê jiyana hemwelatiyan gelek zehmet bûye. Her wiha nîha nefta hikumî jî giran bûye di nava bajar de serê malbatê 200 litre bi 90 hezaran tê kirîn û ji derveyî bajar jî bi 55 hezar dînarane.

08:05

Seher Ebdil Mecîd û keça xwe Îtab Mihemed Hesen ên ji Misrê ne zêdetirî 20 sal in derbasî Sûriyeyê bûne û li herêmên Bakur û Rojhilatê Sûriyeyê dijîn, rêwîtiya hatina xwe ya ji Sûriyeyê re vegotin û dan zanîn ku axa bi xwîna kurê wan hatiye avdan û hêza ku rûmet, zarok û nasnameya wan parastiye wê dest jê bernedin.

11:09

Civaknas Hediye Elî di derbarê perwerdeya zarokan de got: “Di nava malbatê de divê zarok werin perwerde kirin ne werin sezadan. Zarok bi tirsandin fêrî tundîtujiyê dibe, nêzîkatiyên li beramberî dayikê tê guhertin û têkiliyên wan zarokan li gel endamên malbatê nebaş dibe. Ji ber wê jî divê bi baldarî bên perwerdekirin.”

09:53

Nêvîn Ebû Karş bal kişand ser hedefgirtina komeleyê ji zarokên temênê 10 heta 15 salî, bi riya dewreyên piştgiriya psîkolojîk bi du rûniştinan û wiha domand: "Projeyek din wekî pêngavek bû ji bo danîna pêlîstokên behrê li parka deryayî li Xan Yûnisê ku ji aliyê Bernameya Neteweyên Yekbûyî û Tora Medyayî ya Watan ve tê fînansekirin ew di du qonaxan de bû.