civak/jiyan

14:25

Dayikên Şemiyê di çalakiya xwe ya vê hefteyê de, aqûbeta Nîhat Aydogan ê 27 sal berê li Mêrdînê hat windakirin pirsîn. Hevjîna Nîhat Aydogan Halîme Aydogan, diyar kir ku ew hestiyên hevjînê xwe ji dewletê dixwaze û wiha got; “Bila hestiyên wî bidin min ku ez veşêrim û her rojên înê biçim ser gora wî.”

08:36

Bîr û cihên vekirî yên av di wan de heye li derdora malên sivîlan û yên nêzî kampan metirsiyek li ser jiyana zarokan çêdikin. Bi hezaran kesên ku ji ber şer koçber bûne û ji bo avê bîran li derdora kampan dikolin, nizanin ku dê ew bîr bibin cihê mirinê ji bo zarokên wan.

09:17

Gelek jinên Kurd bi tevgera azadiyê re derketin derve û tevli kar û xebatên civakî bûn. Yek ji wan jî dayika bi navê Sêwiliye ye. Fikir û felsefeya Rêberê Gelê Kurd Abdullah Ocalan derfet li pêşiya wê vekir ku ji çarçoveya malê derbikeve û li azadiya xwe bigere. Dayika Sewiliyê Yûsêf wiha behsa çîroka xwe dike: "Dema ku me kar dikir wekhevî û hezkirinek di nav gel û civakê de hebû. Ez heya niha ji xebatên ji bo azadiya welat hez dikim."

10:46

Eman Mohamed dibêje ku mijûlbûna bi dozên bazirganiya jinan, ji tundûtûjiyê cuda ye. Hin rewş hene ku bi sûcdaran re têkilî tên danîn. Di van dozan de ya herî girîng "îstîsmara zayendî" ye di wêne yan jî vîdyoyan de tê nîşandan ku bi sûcdar re têkilî tê danîn û tê agahdarkirin ku ger destdirêjî neyê terikandin û îtîrafek were nivîsandin dê mijar bi pêş bikeve û bigihîje darazê.

09:00

Belavbûna nexweşiyên çerm di nav penaberan de li kampên ku nêzî çopan hatine avakirin û torên kanalîzasyonê li wan hene, zêde bûne.

08:27

Eyhan Yûnis a di temenê xwe yê 18 salî de û bi rengekî dizî tevî 7 hevalên xwe yên jin, di serdema rejîma Baasê de, di malekê de fêrî zimanê Kurdî dibûn dibêje ku wê qet bawer nedikir ku bigihîjin vê astê ji mamosteyan û perwerdekirina şagirt û xwendekaran lê xewna dapîr û bapîrên xwe pêk anîne û dikaribûn xwedî li projeya Neteweya Demokratîk derkevin.

11:45

Her bijîjkek di destpêka karê xwe yê bijîşkî de û berî wergirtina sertîfîkaya xwe ya bijîjkî, "Sonda hîpokratî" a bi navûdeng dixwe û wiha dibêje: "Ez bi xwedayê mezin sond dixwim ku ez ê di pîşeya xwe de baş bim. Di her şert û mercî de jiyana mirovan bi hemû erkên xwe biparêzim, ji mirin, nexweşî, êş û xemê derman bikim, ez ê parastina rûmeta mirovan bikim."

08:25

Endama meclîsa gel ya navçeya Şêranê Temra Mihemed behsa girîngiya parstina rewa kir û got: "Xweparastin şaxekî girîng yê dewamkirina hebûna me ye. Bi taybet di vê pêvajoyê de divê em di mal, tax, kolan û bajarên xwe de parastina rewa xurt bikin."

09:02

Koçberên ku di kampên Dêrazorê de niştecih bûne bi şert û mercên jiyanê yên zehmet re rûbirû dimînin û rola rêxistinên mirovî di piştgirîkirina wan de pir kêm e, bi wan re nabin alîkar. Her wiha Rêveberiya Xweser li wir nikare hemû pêwîstî û xizmetê pêşkêş bike. Di heman demê de herî zêde jin ji rewşa koçberiyê zirarê dibînin û rastî tundiya du qat tên.

08:13

Endama Rêvebera Kongreya Star a navçeya Dirbêsiyê a Kantona Hesekê Zindan Hiso da zanîn ku di nava gurbûna êrîşan û gefên dewleta tirk a dagirkerde jin xwedî li axa xwe derdikevin û xwe birêxistin dikin, pêre jî çanda şerê gelê şoreşgerî di xwe de mezin dikin.

15:24

Li Amedê Xizmên Windayan di hefteya 670'an de aqûbeta Ramazan Yuce yê di 29'ê Hezîrana 1992'an de hat windakirin pirsîn.

13:34

Dayikên Şemiyê di çalakiya xwe ya hefteya 872'yemîn de aqûbeta Huseyîn Taşkaya yê ku beriay 28 salan hatiye windakirin pirsîn. Hevjîna Taşkaya Sûltan Taşkaya jî got: “Ne sax ne jî mirî me nedît.”

11:34

Di çarçoveya têkoşîna li dijî şîdeta li ser bingeha zayendî de, rêxistina ABAAD, bi hevkariya Sindoqa Neteweyên Yekbûyî, guhertoya Erebî ya rêbernameya "Tundiya li ser bingeha zayendî di dema rewşên awarte de" derxist. Rêbername bi prensîb û gavên birêvebirina dozên şîdeta li ser bingeha zayendî ji dûr ve û dayîna şêwirmendiya civakî ve mijûl dibe.

08:53

Femînîstan banga pêwîstiya beşdarbûna di kampanyayên hişyariyê kirin û bal kişandin ser pêkhateyên cuda yên civaka sivîl ji bo hişyarkirina metirsiya tundûtûjiya li dijî jinan û diyar kirin ku hemû kampanyayên şîrovekirina qanûnê hîn jî lawaz in.

11:49

Li Misrê bi hewildana jinên dema ji hevjînê xwe cudabûne bi zarokên xwe ve hatine derxistin û di aliyê aborî de pirsgirêk jiyane li ser mijarê pêşnûme qanûnek hat amadekirin û radestî Civata Nûneran hat kirin.

08:58

Piyê birîndar ê girtiyê nexweş Mahsun Saruhan ê ku di pevçûnan de bi parçeya şarapnelê ya ku girtibû birîndar bû û bi salan e nayê dermankirin, roj bi roj ziravtir dibe. Sulhiye Saruhan a ku banga serbest berdana kurê xwe û girtiyên din ên nexweş yên li girtîgehan kir, bivê gotinê bertek nîşanî rewş. da, "Gelo li benda mirina mirovan in?"

08:45

Sûad El-Elî ya Hecîn a Dêrezorê ye dema herêma wan di destê çetan de gelek bûyerên bi êş jiya ye. Sûad da zanîn ku yek ji wan bûyeran jî recimkirina xwişka wê Hesna El-Elî ya dayîka 4 zarokan bûye û got: “Weke zebaniyan bi keviran xwişka min qetil kirin. Tişta ku me bi çavên xwe dît bila tu çav nebînin.”

09:02

Li Idlibê ji ber rewşa aborî ya xirab, xizanî û koçberiyê gelek zarok û jinên Idlibê li hawirdorên xeternak ji bo lêgerîna li xwarinê û cilan di nava çopan de û di nava zeviyên çandiniyê yên ku bombe û mayinên neteqandî li wan hene, dixebitin û ev jî dibe sedem ku gelek kes jiyana xwe ji dest bidin.

10:39

Xwendekar li dibistanan gelek caran rastî gotinên xirab ên mamosteyan tên. Ev yek dibe sedem ku xwendekar ji dibistanên xwe sar bibin û naxwazin bixwînin.

08:12

Bajarê Xezayê yek ji bajarên bi çîrokên jinên rastî tundiyê hatine dagirtî ye. Jinên ku rastî tundiyê tên bêdeng dimînin û dev ji mafê xwe yê jiyana bê tundî û bi rûmet berdidin û hewl didin şopên şîdeta ku li wan hatiye kirin bi heman rêbazê veşêrin. Ev hînbûyûna şîdetê ji ber nêrînên civakê ye lewre zîhniyeta baviksalar wî mafî dide mêr ku şîdetê li jinan bike di bin navê terbiyekirinê de.