Enqere– Du kesên xwe weke polîsên sivîl dan nasîn hewildan bi zorê têkevin mala alîkara Hevserokên Partiya Demokratîk a Gelan (HDP) ê û parlamentera Edenê Tulay Hatîmogûllari ya li Enqerê. Tulay Hatîmogûllari anî ziman ku roja 24'ê Îlonê du kes hatin ber deriyê mala wê, xwe weke polîsên sivîl dane naskirin û jê xwestin ku derî veke. 

Tulay Hatîmogûllari di derbarê tiştên wê rojê hatin jiyîn de ev agahî da: "Du polîs hatin mala min û bi israr xwestin ku ez derî vekim. Min ji wan re got ku e wekîl im. Min jê re got ku ez ê agahiyê bidim emniyetê. Em ê agahiyên berfireh ên li ser mijarê sibe eşkere bikin." Tulay Hatîmogûllari diyar kir ku têkildarî bûyerê wan dest bi karên hiqûqî yên pêwîst kirine.

Tulay Hatîmogûllari û Alîkarê Hevserokên HDP'ê yê ji Mafên Mirovan û Hiqûqê Berpirsyar Umît Dede dê îro saet 11:30’an li Navenda Giştî ya HDP'ê têkildarî mijarê daxuyanî bidin.