Navenda nûçeyan -Komîsyona Dîplomasî ya Jinan a HDP’ê bi Seroka AKPM’yê Petra Bayer re bi rêya onlîne civînek lidar xistin. Ev kes tevlî civînê bûn wiha ne: Berdevka Meclîsa Jinan a HDP’ê Ayşa Acar Başaran, Berdevka Komîsyona Dîplomasî ya Jinan a HDP’ê û Hevberdevka Maseya Rojhilata Navîn Gulistan Koçyîgît, Hevberdevka Komîsyona Têkiliyên Derve ya HDP’ê Feleknas Ûca, Parlementerên HDP’ê û endamên Meclîsa Jinan dîsa Seroka Komîsyona Pêşîlêgirtina Cihêkarî û Wekheviyê ya Konseya Ewropayê (AKPM) Petra Bayer, Berdevka Jinan a Pariya Sosyalîst a Ewropayê Zîta Gurmaî, Endama Komîsyona Wekheviya Jinan û Parlemetera Partiya çep a Swêd Jallow Malcolm, Alîkara Serokê Partiya Sosyalîst a Ewropa Katrîne Skov û endama Rêveberiya Xwecihî ya Partiya Sosyalîst a Ewropa Sanchîa Alasa.

Axaftinên jinan wihane;

Endamên Komeleya Jinan a Rosa û aktivîstên TJA’yê jî tevlî civînê bûn. Di civînê de Berdevka Meclîsa Jinan Ayşe Acar Başaran mafê axaftinê girt û diyar kir ku biryara vekişîna dewleta Tirk a ji Peymana Stenbolê nikarin ji polîtîkayên dijminahiya jinê ya li cîhanê cuda bigirin dest û wiha domand: “Eger em helwestek hê zelaltir raber bikin, wê bike ku desthilat di mijara Peymana Stenbolê de şunde gavê biavêje.”

Endama Komeleya Jinan a Rosa Adalet Kaya jî, anî ziman ku di 5 salên dawî de tundiya li ser jinê zêdetir bûye. Parlementera HDP’ê ya Enqerê Fîlîz Kerestecîgolû jî bal kişand ser xebatên jinan ên li Meclîsê û wiha dom kir: “Em jin ji Peymana Stenbolê venekişiyane, yê vekişiyayî Erdogan e.”

Berdevka Jinan a Partiya Sosyalîstan a Ewropa Zîta Gurmaî jî axivî û got: “Em bi jinên li Tirkiyeyê di nava piştevaniyê de ne. Biryara vekişandina ji Peymana Stenbolê ji bo hemû jinên li cîhanê biryareke bi fikar e.”

Seroka AKPM’ê Petra Bayer jî ev nirxandin kir: “Eger ku Tirkiye dixwaze bibe endama Yekîtiya Ewropayê wê biryara vekişîna ji Peymana Stenbolê bide rakirin, partiyeke siyasî ya bi milyonan hilbijêrê wê hene, nede girtin.” 

Di civînê de peyama têkoşîna hevpar hat dayîn.