Navenda Nûçeyan - Li gorî rojnameya The Guardian a Brîtanî, Dadgeha Eyaleta Nîlê ya Spî li Sûdanê, cezayê recimkirinê li Meryem El-Seyid Tereb a 20 salî ku meha borî piştî bi zînayê hatiye tawanbarkirin, ji aliyê polîsên dewletê ve hatibû girtin, birî.

Navenda Afrîkî ya ji bo Lêkolînên Dad û Aştiyê got ku ev biryar qanûnên navxweyî û navdewletî binpê dike û banga serbestberdana bê şert û merc a Merym Tereb kir.

Navendê diyar kir ku jin bi awayekî adil nayê darizandin û jê re nehatiye gotin ku agahiyên ku di lêpirsînê de dane wê li dijî wê bên bikaranîn û da zanîn ku sepandina cezayê recimkirinê ji ber sûcê zînayê, binpêkirina hiqûqa navneteweyî ye.