Navenda Nûçeyan – Nesrîn Kerîmî û sê mamosteyên din beriya niha ji aliyê yekîneya îstîxbaratê ve hatibûn lêpirsînkirin û ji bo beşdarî çalakiyên parastina mafên mamosteyan nebin rastî gefan hatibûn.

Bi tevahî 14 mamosteyên Kurd, neçarî teqawid bûn, ji kar derxistinê hatin kirin û sirgûnê bajarên din hatin kirin. Li Sineyê komên civaka sivîl li dijî vê biryarê meşek lidarxistin û piştgirî dan mamosteyan.

Ji xwendekaran protesto

Li Sineyê xwendekarekî ya dibistana Amedeyî, ji ber nebûna mamosteya xwe Nesrîn Kerîmî ya li dibistanê nameyek nivîsand û xemgîniya xwe anî ziman. Xwendekar, diyar kir ku Nesrîn Kerîmî li dibistanê ji bo xwendekaran mamosteyeke pir hêja û sûdmend bû, lê niha ji ber ji mamosteya xwe bêpar in, valahiyek mezin hîs dikin.

Nesrîn Kerîmî mamosteya dibistana Amedeyî ya li Navçeya 2’emîn a Sine bû û parêzvana daxwazên xwendekaran a ji bo perwerdehiya bêpere, perwerdehiya adilane û mafê perwerdehiya bi zimanê dayikê bû. Ji ber vê sedemê, ji aliyê Lijneya Disîplînê ya Perwerde û Hînkirinê ve ji ber çalakiyên wê yên sendîkayê biryar hate dayîn ku ji teqawidbûna mecbûrî bê kirin, ji du pileyan bê daxistin û ji erka xwe ya mamostetiyê hate dûrxistin.