Navenda Nûçeyan – Rêxistina SAM a ji bo maf û azadiyan raporek belav kir û tê de eşkere kir ku aliyên şer zêdetir ji 35 hezar bûyerên binpêkirinên li dijî zarokan pêk anîne û ji sedî 70 ji wan binpêkirinan ji aliyê Hûsiyan ve hatine kirin û zêdetirî 5700 zarok li Yemenê di salên şer de hatine qetilkirin.

Rêxistinê di rapora xwe de piştrast kir ku Hûsî bi leşkerkirina zêdetirî 20 hezar zarokan û tevlîkirina wan di şerê çekdarî de û revandina 797 zarokan têne tometbarkirin.

Li gorî raporê ji ber şer û pevçûnên li Yemenê dewam dike nêzî 2 milyon zarok ji xwendinê bêpar mane û şerê çekdarî bû sedema koçberkirina nêzîkî yek milyon zarok, ku ev yek jî êşa zarokên yemenî girantir dike.