Navenda Nûçeyan – Li Sûriyeyê rêveberiya demkî ya cîhadîst Heyet Tehrîr El- Şam (HTŞ), ragihand ku divê jin di plajên ji gel re vekirî, di hewzên melevanî de, ji derveyî dest û pê cilên ku hemû bedena jinan digre û cilên din ên guncaw li xwe bikin.

Li gorî nûçeya televîzyona rêveberiya demkî El-Îxbariye El-Sûriye, armanca sererastkirinên ku ji aliyê Wezareta Turîzmê ya rêveberiya demkî ve hatiye derxistin; ‘Ji bo başkirina standartên ewlehiya civakê û parastina exlaqê civakê ye.’

Hat diyarkirin ku di plajên taybet, kulub, hewz û otêlên ji 4 stêran zêdetir de ji sererastkirinan cuda hatiye destgirtin. 

Rêveberiya demkî tevî sozên ku dane jî di her qadên jiyanê de bi awayek sîstematîk qedexeyên ku jiyana jinan sînordar dike tîne.