Navenda Nûçeyan — Nişteciha Pîranşarê ya Rojhilatê Kurdistanê Naznîn Hûseyînpûr, piştî ku serî li Rêveberiya Îstîxbaratê ya Pîranşarê da, hate binçavkirin û birin cihekî nediyar.

Malbat bêagahî ye

Her wiha hat ragihandin ku dema malbata wê çûye da ku li ser rewşa wê agahiyan ji saziyên pêwendîdar bigire, bê encam maye û ji wê demê ve tu agahî jê nayê girtin. Tê gotin ku di dema binçavkirinê de, wê nekariye bi parêzer û malbata xwe re hevdîtinê bike yan jî bi rêya telefonê têkiliyê deyne.

Sedema binçavkirinê nayê zanîn

Derbarê sedema binçavkirina Naznîn Hûseyînpûr û sûcdariyên li dijî wê de tu daxuyaniyek nehatiye dayîn û tu agahî nehatine parvekirin.

Agahiyên li ser nasnameya wê

Li gorî agahiyên hatine bidestxistin, Naznîn Hûseyînpûr jineke zewicî ye, dayîka du zarokan e û li gundê Şînabad ê Pîranşarê dijî.