Navenda Nûçeyan- Li Osmaniyeya Edeneyê îro di danê sibehê polîsan bi ser gelek malan de girtin.

Di serdegirtinên malan de hevserokên Partiya Wekhevî û Demokrasiyê ya Gelan (DEM Partî) yên navçeya navendî ya Osmaniyeyê Sevgî Aydin û Faruk Kahraman û rêveberê wê Hakan Kahraman û 2 kesên navê wan nehat zanîn hatin binçavkirin.

Hat zanîn ku welatî bi hinceta di dawetê de li ber stranên Kurdî govend gerandine û wesayîdên xwe yên dawetê bi rengên kesk, sor û zer xemilandine hatine binçavkirin. Her 5 kesên binçavkirî li Midûriyeta Emniyetê ya Osmaniyeyê tên girtin.