Navenda Nuçeyan- Navenda Lêkolînên Jineolojiyê ya Başûrê Kurdistanê ji bo nasandina jineolojî û karkirina rêxistinên jin û çalakvanan ji gelek nuner û endamên rêxistinên jin re dewreyek perwerdeyê dan. Dewreya 27’ê Sibatê de detpê kir wê 5’ê Adarê dewam bike. Armanca vê dewreyê zêdetir bi rêxistinên jin nasandina zanista jineolojiyê ku rêbazek a bi hev re ya ji bo çareserkirina pirsgirêkên civakê ye. Di dewreyê de behsa jineoloji û berhemê têkoşîna jinê ji dîroka kevin heta niha di asta Kurdistan û cîhanê de hatine kirin û her wiha ji bo pêşxistina diyalektîka tewrî û piratîka tevgera azadiya jina Kurd ku niha di asta cîhanê de bûye xwedî cihek giring.

Jineolojî pênasekirina jin wek hebûna siyasî û exlaqî

Di dirêjiya dewreya perwerdê de behsa pênasekirina jin wek hebûnek siyasî, civakî û exlaqî, ne tenê weke hebûnek biyolojî ye û behsa rêbaza jineolojiyê hat kirin. Li ser karkirina ji bo avabûna bawerî û guherînên demoqratîk di nava civak û asta têkiliyên jinan bi hev re, hîskirin, têgihiştin û karkirin bi heman têghiştinê ku jin çawa berbi xwebûnê ve biçe.