Amed - 48. Lijneya Giştî ya Asayî ya Baroya Amedê duh li Navenda Kongreyê ya Çandê ya Sezaî Karakoç a Şaredariya Bajarê Mezin a Amedê dest pê kir. Lijneya ku parêzerên qeydên baroyê jî amade bûn, piştî sînevîzyona rapora salane ya bi kurdî hat amadekirin, axaftin hatin kirin. Piştî axaftinan, Navenda Mafên Jinan a Baroya Amedê û parêzerên jin derketin ser dikê û ji bo Jîna Mahsa Emînî ya ku li Îranê ji aliyê "polîsên exlaqî" ve hat qetilkirin, porê xwe birrîn.

“Em ji bo hemû jinan li vir in”

Parêzer Esmer Ozer piştî çalakiyê axivî û got, "Di şexsê Jîna Mahsa Emînî û Nagîhan Akarsel de em ji bo hemû jinên hatine qetilkirin û rastî şîdetê hatine, em li vir in. Desthilatdariya mêr a serdest bi kontrolkirina bedena jinê û serdestiya jinan xwe diafirîne. Hilbijartinan wiha got: "Ev sîstem bi serhildana jinan mehkûmî tinekirinê ye. Îro li Îranê em şahidê vê yekê ne. Weke parêzerên jin ên Baroya Amedê peyama me ji jinên Îranî re ew e ku por û rêhevaltiya xwe bidin berxwedana wan. Em Heta ku hemû jin li hemû cîhanê ji zincîrên xwe neyên rizgarkirin dest ji têkoşînê bernedin."

Di çalakiya protestoyî de parêzerên jin dirûşma "Jin jiyan azadî" berz kirin.

Piştre jî plaket hatin pêşkêşkirin parêzerên di bin rêveberiya berê ya baroyê de ne. Lijne piştî hilbijartina ku dê îro pêk were dê bi dawî bibe.