Qamişlo – Hunermend û pêşenga têkoşîna azadiya jinên Kurd Hozan Mizgîn (Gurbet Aydin) a di 11’ê Gulana 1992’an de jiyana xwe ji dest da li Qamişlo hat bibîr anîn. Tevgera Çand û Hunera Demokratîk ya Mezopotamya û Hîlala Zêrîn, bi boneya salvegera 32’emîn ya şehadeta Hunermend  Hozan Mizgîn (Gurbet Aydin) li Qamişlo çalakiya bibîr anînê lidar xistin.

Piştî deqeyek rêzgirtinê Endama Tevgera Çand û Huner ya Bajarê Dirbêsiyê Nura Elî axivî û got: “Şehîd Kozan Mizgîn jineke Kurd hunermend bû di heman demê de şoreşger bû. Em ê weke endamên TEV-ÇAND’ê li pey şopa Şehîd Mizgîn bin.”

Paşê li ser jiyan û têkoşîna hunermendên Kurd ên di têkoşîna azadiyê de jiyana xwe ji dest dan sînevîzyonek hat temaşekirin û komên stranan strîn.

Bîranîn bi dirûşmeyan bi dawî bû.