NAVENDA NÛÇEYAN- Dewleta Îranê ku bi darvekirinan her tim di rojevê de ye, dîsa biryara darvekirina gelek kesan da. Herî dawî Belûcî 9 hatin darvekirin. Di nav yên hatine darvekirin de çalakgerên olî jî hene.  Abdulhakim Azim Gergich û Abdulrahman Gergich ku bi hinceta ‘serhildanê’ ceza girtine, di nav kesên hatine darvekirin de ne. Navê kesên din ên îro hatine darvekirin wiha ne: Amir Ahmad Sanaei, Gholamreza Ghashad, Sajjad Brahoui, Younes Kurd, Esmail Dehmardeh, Ehsan Bamri, Yasin Bamri. 

Li gor nûçeyek din a di Ajansa Nûçeyan a Haalvshê de cîh digre, di 11’ê Nîsanê de derbarê 4 Belûcên din de jî cezayê darvekirinê hatiye dayîn. Tê gotin ku ev 4 kes ji bo ku cezayê wan pêk bê, sewqî Girtîgeha Navendî ya Zahedanê hatine kirin.