Qamişlo- Di 15’ê Gulanê de bi pêşengtiya Rêxistina Kongreya Star komcivîna Şêwra Jinên Kurd a Rojava li bajarê Qamişlo hate li dar xistin. Li wir biryar hate girtin ku Însiyatîfa jinan bê avakirin da ku jin li hember dagirkeriyê Kurdistanê biparêzin.

Îro bi daxuyaniyek nivîskî  Însîyatîfa Jinan bi di dirûşma “Jin li hemberî dagirkeriyê Kurdistanê diparêzin” hate ragihandin. Di însîyatîfê de 72 jinên kurd ên Rêxistinên Rojavayê Kurdistanê, Başurê Kurdistanê û Rêxistinên Kurd ên Ewrûpayê tevlîbûn.

“Kurdistan bûye navenda şerê cîhanî”

Daxuyaniya ku hate dayîn wiha bû: “Di yekemîn sedsala 21’an de krîz û kaos her ku diçe kûrtir dibe. Ev rewşa aloz bandora xwe li ser hemû qadên jiyanê û cîhanê dike. Şer û pevçûn, qetlîam û koçberî, birçîbûn û pirsgirêkên ekolojîk, antîdemokrasî û zordestî, kedxwarî û dagirkerî nîşan dikin ku pergala cîhanê di nav qeyrane de ye. Ev rastî çiqas di asta gerdunî de bê jiyan kirin jî, herî zêde bandora xwe li ser Rojhilata Navîn dike. Ango bi şêweyê Şerê Cîhanê yê Sêyemîn li ser axa herêma Rojhilata Navîn tê jiyîn. Dergûşê civakbûnê û medeniyetê îro bûye sehneya şerên serdestiyê di navbera hêzên herêmî û cîhanê de.  Kurdistan jî bûye navenda vî şerî. Di encama vî şerî de wê pergaleke nû ya cîhanê ava bibe. Him hêzên dewletparêz, him jî hêzên demokrasî yên gelan bi têkoşîna xwe hewl didin karakterê pergala nû diyar bikin.”

“Dewleta tirk armanc dike ku gelê kurd nebe xwedî statû”

Di daxuyaniyê de hate gotin ku dewleta tirk dixwaze damezrandina Mîsakî-Milî bi riya dagirkerî û qelîaman pêk bîne û wiha hate gotin: “Di aliyê hêzên demokrasi yên cîhanê û herêmê de gelê Kurd û bi taybet jî jinên Kurd xwediyê pozîsyoneke diyarde ne. Îro, di serî de şoreşa Rojava, têkoşîna gelê Kurd ji bo avakirina pergaleke alternatîf bala çar aliyên cîhanê dikşîne. Lê di heman demê de pevçûnên cîhanî û herêmî li ser axa Kurdistanê zor dibin. Di hundirê vê rastiyê de dewleta Tirk dixwaze di 100’emîn salvegera damezrandina komara xwe de Mîsak-î millî bi riya dagirkerî û qetlîama pêk bîne û ji bo vê jî qirkirina Kurdan temam bike. Armanc dike ku di pergala cîhanê ya nû de gelê Kurd nebe xwediyê statûyeke fermî û demokratîk. Di vê çarçovê de ne tenê di hundirê sînorên dewleta xwe de, di heman demê de li ser Rojava û Başûrê Kurdistanê jî şereke qirker dide meşandin. Hewl dide hemû destkeftiyên Kurdan tasfiye bike.

“Jin pêşengtiya têkoşînê li hember faşîzm û serdestiyê dikin”

Daxuyanî de hate gotin ku dewleta tirk di şerê xwe de jinan dike hedef û wiha dewam dike: “Di vê şerê xwe yê tunekirinê de bi taybetî jî jinan hedef digre. Ji ber ku jin pêşengtiya têkoşînê li hemberî faşîzm û serdestî dikin ji bo avakirina jiyaneke azad û bi rûmet. Bi armanca ji holê rakirina pêşengtiya jinan şereke taybet dide meşandin. Di encama vê de bi sedan jinên siyasetmedar, welatparêz û berxwedêr îro di zindanên dewleta Tirk de di bin tecrît û îşkence de ne. Hejmareke gelek mezin a jinên Êzîdî hîn dîl girtî ne. Di heman demê de di herêmên dagirkirî yên Rojava de jinên Kurd esîrê dewleta Tirk û çeteyên wî ne. Ji qetlîama Parîsê heya Kobanê jinên pêşeng bi hedef têne kuştin.  Jinên Kurd bi vê şêweyê di aliyek de hîn bêhtir bi encamên siyaseta dagirkerî û qirkirin ê re rûbirû dimîmin û di aliyeke din de ruxme her tiştî dev ji rola xwe ya pêşeng di nava berxwedana gelê xwe bernadin. Bi taybet jî rol û erkên xwe yên netewî parastina hevbûn û mîsoger kirina azadiya gelê xwe bi berpirsiyarî û biryardarî radikin.”

“Pêwistiya me bi yekîtiyê heye”

Di daxuyaniyê de bal hate kişandin li ser yekîtiya jinan û wiha hate gotin: “Weke jin em dizanin ku ji hemû demên berê zêdetir pêwistiya me bi yekitî heye. Ji bo parastina Kurdistanê li dijî dagirkerî yekitiya jinan xwediyê roleke stratejîk e. Jin dema ku hêza xwe dikin yek di hemû mijaran de dikarin serbikevin. Ji bo bi dawî kirina dagirkeriya dewleta tirk û pêşîgirtina êrîşên nû pêwistiyeke lezgîn bi helwesteke hevbeş a jinan di aliyên Kurdistanê û li derveyî welat heye. Di vê çarçovê de li ser esasiya biryarên ku di Civîna Şêwra Jinên Kurd a Rojava ya ku di 15'ê Gulanê de li bajarê Qamişlo hatiye lidarxistin de me weke jin ku li jêrê navê xwe nivîsandin damezrandina Înîsîyatîfa Jinan ji bo Parastina Kurdistanê li dijî Dagirkeriyê bi raya giştî re parve dikin.

“Em bang li jinan dikin tevlî însîyatîfê bibin”

Di dawiya daxuyaniyê de bang li jinan hate kirin ku tevlî însîyatîfê bibin û wiha bi dawî bû: “Emê weke Înîsîyatîfa Jinan ji bo Parastina Kurdistanê li dijî Dagirkeriyê ji niha şûnde xebat û çalakiyên hevbeş pêşbixin, bi armanca xurtkirina helwesta jinê, dawî anîna dagirkeriya dewleta Tirk û pêşîgirtina êrîşên wî. Diruşmeya me “Jin Kurdistan li Hemberî Dagirkeriyê Diparêzin” e. Bi vê armancê em damezrandina înîsîyatîfa xwe bi raya giştî re parve dikin û bang li jinan dikin tevlî me bibin ji bo ku bikarin sekin û helwesteke bi bandor û encamgir li dijî hemû êrîşên dagirker pêşbixin û Kurdistanê biparêzin.”

Jinên ku beşdarî înisiyatîfê bûne wiha ne:

1  Asya Ebdulleh                    Endama Koordînasyona Mesclisa Jin Ya Bakur û Rojhilatê Surî

2  Awat Husam Eldîn             Seroka Komela Zerdeştî Kurdistan (BAŞUR)

3  Arya Mele Ehmed              Hevseroka Encumena Zagonsaz Ya Herema Cizîrê

4  Arzû Temo                          Rêxistina SARA

5  Aynur Paşa                         Parêzer

6  Beser Şahîn                         Hunermend (EWROPA)

7  Beşîra İsmayîl                     Parêzer

8  Canda Muhemed               Endama Desteya Cihbicihkirin Ya Meclisa Suriya Demokratîk

9  Delal Elhaşimî                     Rêvebera Partiya Kesk Ya Demokratîk

10  Delal Fehîm Xelîl              Hevseroka Kongra İslama Demokratîk

11  Derya Remezan                Hevseroka Mekteba Têkiliya Ya Meclisa Suriya Demokratîk

12  Dilsoz Zengene                 Endama Înîsîyatîfa Piştgiriyê Ji Bo Rojava (BAŞUR)

13  Dilşa Osman                     Berdevka Têkiliyê Kongra Star (EWROPA)

14  Ebîr Hesaf                         Akademisyen di Zaningeha Rojava

15  Erîfa Bekir                         Komîta Têkiliyê Jin di Partiya Yekîtiya Demokratîk(PYD)

16  Emîna Omer                     Hevseroka Meclisa Sûriya Demokratîk

17  Emîna Şêx Muhemed       Rêxistina Jin Ya Partî Demokratî Kurdî Surî

18  Enehîta Sîno                     Nivîskar

19  Enehîta Şêxê                     Rewşenbîr

20  Etiya Yûsif                         Parêzer

21  Evîn Cuma                        Rêxistina  Mafê Mirova ya Herêma Cizîrê

22  Evîn Qafûr                         Partiya Aştî Demokratî Kurdistan

23  Evîn Yûsif                                       Nûçegîhan û Çalakvana Medenî

24  Eyşê Efendî                       Rêvberiya Meclisa Malbatên Şehîdan ya Herêma Firatê

25  Eyşê Hiso                          Hevseroka Partiya Yekîtiya Demokratîk (PYD)

26  Fewziye Spiz                     Mamoste (BAŞUR)

27  Feyrûz Xelîl                       Endama Meclisa Jin ya Bakur û Rojhilatê Sûrî

28  Foza Ebdê                         Hevseroka Encumena Zagonsaz ya Herêma Firatê

29  Foziya Yûsif                       Endama Desteya Rêveber ya Partiya Yekîtiya Demokratîk

30  Hanan Osman                  Komîta Diplomasî ya Kongra Star Ya (LUBNAN)

31  Hediya Şemo                    Koordînasyona Yekîtiya Jina Êzîdî Li Herêma Cizîrê

32  Helîma Ebû Bekir                         Rêveberîya Asayîşe

33  Heyfa Mehmud                Partiya El Hedasê û El Dîmoqratiyê Li Surî

34  Hêja İbrahîm                    Endama Meclisa Kongra Star ya Ewropa

35  İlham Ehmed                    Seroka Desteya Cihbicihkirin ya Meclisa Sûriya Demokratîk

36  Jiyan Husên                      Endama Koordînasyona Meclisa Jin ya Bakur û Rojhilatê Surî

37  Leyla İbrahîm                    Hevseroka Mala Êzîdî ya Li Herêma Cizîrê

38  Leyla Musa                       Nûnera Meclisa Sûriya Demokratîk li Misir

39  Medya Ebdê                     Berdevka Navenda Lêkolîn û Parastina Mafê Jin li Ewropa

40  Meryem Fettahi               Rêveberiya KJAR li Ewropa

41  Mizgîn Hesen                    Seroka Navenda Lêkolîn û Parastina Mafê Jin li Surî

42  Mizgîn Zêdan                    Hevseroka Partiya El Texyîe

43  Narîn Metînî                     Seroka Tora Jina Demokratîk

44  Necah Gilo                        Malbatê Şehîda

45  Necla Temo                      Komela Şawoşka

46  Nezahet Nebo                  Endama Meclisa Kongra Star Ewrûpa

47  Pencewîn Elî                     Çalakvana Hiqûqî

48  Perwîn Yûsif                      Hevseroka Kantona Qamişlo

49  Remziye Muhemed          Berdevka Kongra Star

50  Riwyda Şêxê                     Komîta Jin Di Tevgera El Tecdîd El Kurdistanî                     

51  Rîham Hico                       Endama Koordînasyona TAJÊ Şengal

52  Ronak Mecid                    Tevgerê Azadiya Kurdistanê Başur

53  Roşna Cemîl Cafer            Çalakvana Medenî Başur

54  Ruken Ehmed                   Hevseroka Tevgera Civaka Demokratîk (TEVDEM)  

55  Saza Abdullah                  Partiya Goran (BAŞUR)

56  Sema Begdaş                    Berdevka Partiya Yekîtiya Demokratîk

57  Sinem Mihemed               Nunera Meclisa Sûriya Demokratîk  li (DYE)

58  Sîham Emoka                    Çalakvana Huquqî

59  Sîham Daud                      Sekrêterya Giştî ya Partiya Sûriya Pêşeroj               

60  Stêr Qasim                        Çalakvana Medenî    

61  Suad Hiso                         Mekteba Jin ya Tevgera Civaka Demokrat li Herêma Şehba

62  Sultanê Xişo                      Weqfa Jina Azad li Suriyê     

63  Surûşt Helepçe                 Şêwermenda Qanûnî (BAŞUR)

64  Şehle Muhemed                           Endama Koordînasyona RJAK (BAŞUR)

65  Şeyda   Maruf                   Partiya Zehmetkêşan (BAŞUR)

66  Şoxan Salih Mîrza             Çalakvana medenî (BAŞUR)

67  Xedîce İbrahîm                 Parêzer

68  Xurbet İşlek                      Endama Koordînasyona Meclîsa İştar (MEXMUR)

69  Zeyneb Muradî                 Hevseroka KNK (EWROPA)

70  Zeyneb Qenber                 Mekteba Jin ya Meclisa Sûriya Demokratîk Li Herêma Şehba

71 Natalia Szarek                     Komîta Jin Rojava Diparêzin (BİRÎTANYA)

72 Dr.Mechthild Exo               Defend Kurdistan (ALMANYA)