RECAA XEYRET

Mexrîb – 18’emîn Mihrîcana Fîlman a Jinan a Navnetewî di 22’yê Îlonê de li bajarê Sale destpê kir û ji aliyê Komeleya Abî Raqraq û bi piştevaniya Meclîsa şaredariya Sale ve hat organîzekirin. Mihrîcan wê heta 27’ê Îlonê bidome. Di şeva vekirinê de ji 5 parzemînan stêrkên sînemayê cih girtin. Di merasîmê de lîstikvanên Mexribê Souad Najjar û Farah El Fassi, rojnamevan Sabah Bendawood û lîstokvana Misrî Hanan Motawie xelatên rûmetê girtin.

Di Mihrîcanê de, fîlmên ku hêza jinan a xeyalçêkirinê nîşan didin, tên pêşandan. Panelên fikirînê û xelatên rûmetê bi bernameyek dewlemend wê werin pêşkêşkirin. Di heman demê de temayên ku pirsgirêkên jinan li welatên cûda dinirxînin, cih girtin.

‘Huner ji bo min çeka maf û azadiyê ye’

Lîstokvana Mexribê Farah El-Fassî diyar kir ku bi şanaziyek mezin xelata xwe girtiye, xelatê diyarî hemû jinên ku ji vê xeyalê bawer in kir û wiha got: “Huner ji bo min çekek ji bo maf û azadiyê ye. Sînema ne tenê dîmenên li ser ekranan de ye, eynika rihê me ne, dengê yên ku dengê wan tune ye, pira ku me bi dinyayê ve girê dide ye. Hunermendên jin tevî her cureyê zoriyê dikare ferqê ava bike û bi kêrhatiya xwe dinyayê ronî bike.”

‘Sînema ne pîşeyek e’

Lîstikvana Misrê Hanan Motawie dema xelata xwe girt hestên xwe wiha anî ziman: “Ev xelat, rêwîtiya min a hunerê ku tije serkeftin û xeyalşikestinê wek neynokekê teyîsand. Sînema ji bo min ne tenê pîşeyek e, serpêhatiyek ku jiyanê ku bi dengê min, xeyalê min, rûyê min û di ruyê her jinê de hatî nivîsandin e. Dema jin di dîmenan de cih digre, ew dîmen kûrahî qezenc dike, berfireh dibe û xeyal rast dibe.”

10 fîlmên metraj dirêj cih girtin

Di pêşbaziya fermî ya mihrîcanê de 10 fîlmên metraj dirêj beşdar bûne. Ev fîlm; ji Fransa, Spanya, Elmanya, Çîn, Çekya, Norveç, Avusturya,Brezîlya û Senegalê tên. Serokatiya jurî ya pêşbaziyê derhênerê Brezîlya Sandra Kogut girt, di juriyê de derhênera Fransî Valerie Massadian, lîstikvana Lubnanî Takla Chamoun, hunermenda Mexribê Sanaa Alaoui û çêkerê Ruandayî Myriam U. Perara cih digrin.

Her wiha di mihrîcanê de wê xelatên ‘Xelata fîlmê yekem’, ‘Listikvana jin a herî baş’ û ‘lîstikvanê mêr ê herî beş’ were dayîn. Ji derveyî xelata mezin û xelata taybet a jurî, xelata ‘yaxa bi nirx’ jî bide çêkeran. Di heman demê de ji bo temaşevanên ciwan jî fîlmê herî baş ê Mexrîbê di qada ‘dirêj û kurt’ de du xelatên taybet hene.

Di qada Belgeselê de jî ji Fransa, Belçîka, Kanada û Efrîqaya Başûr 5 fîlmên metraja dirêj di pêşbaziyê de ne. Serokatiya jurî çêkerê Fransî Annie Ohayon-Dieckel dike, di nava endaman de derhênera Belçîkayî ku koka wê ji Gabone ye Nativel Pontaliee û senarîsta Fransî Laetitea Kugler hene.  

Çalakî û panel

Mihrîcan bi temaya wek ‘Sansura di sînemayê de’, ‘Şopên jinên Saleyî li ser çand û mîrasê’ malovaniyê ji gelek panel û çalakiyan re dike. Di heman demê de di navbera derhêner Khawla Asbab Ben Omar û Raouf Sabah de talafuz, ji bo hunermendê Mexrîbî Muhammad El Shoubi rûniştinek bîranînê dê bê lidarxistin. 

Di beşa nasandina pirtûkan de, ji zanîngeha Hassan a 2’em a li Kazablankayê akademîsyen Najate Ennarsî wê pirtuka bi navê ‘Xebatên civakî yên jin û zayendê: Têgînên bingehîn’ pêşkêş bike. Ev xebat, di qada xebatên jin û zayenda civakê de, yekîtiya termînolojîk pêk bîne, hedef dike ku valatiya di ferhengên taybet de tije bike.