Navenda Nûçeyan – Di nava du hefteyên dawî de Nîjerya şahidiya rêze revandinên girseyî yên xwendekar, mamoste û rêberên olî tê hedegirtin dike. Ev rewş, bû sedema fikarên siyasî yên navxweyî û zextên navneteweyî.

Rayedarek herêmî ya ji Ajansa Nûçeyan a Fransî re axivî, ragihand ku kesên biçekdar roja 29’ê Mijdarê li Eyaleta Bornoyê 12 zarokên keç di navbera temenên 16 û 23 salî de berdan. Hate diyar kirin ku zarokên keç beriya heftiyek hatibûn revandin.

Ev bûyera revandinê, ne bûyerekî ewil e. Di sala 2014’an de, bûyera revandina komî ya ji aliyê rêxistina terorîst a Boko Haram li bajarokê Chibok ê bakurê rojhilatê Nîjeryayê ve pêkhat, mîna bûyera revandinê ya herî mezin a dîrokê derbasî tomaran bû. Di vê pêvajoyê de nêzî 300 xwendekarên keç ji dibistanek navîn hatin revandin. Ev bûyer li seranserê cîhanê bandorek mezin avakir û kampanyayek navneteweyî bi navê "Keçên me vegerînin" hate destpêkirin. Ev kampanya, ji bo ronîkirina êşa zarokên hatine revandin û ji bo zexta navneteweyî ya li ser hikûmeta Nîjeryayê ji bo rizgarkirina revandiyan hate destpêkirin.