hiqûq

09:51

Parlementerên û rêxistinên jinan ên herêma Başûrê Kurdistanê hewil didin yasaya pêşîlêgirtina tundîtujiya beramberî malabatan ji nû ve were sererastkirin.

09:54

Lêpirsîna der barê rojnameger Sedef Kabaş a ku ji ber gotinên di bernameyeke televîzyonê ku beşdar bûyî de bi îdiaya "heqaret li Serokomar kiriye" hat girtin, temam bû. Ji bo rojnameger Sedef Kabaş giştî 11 sal û 8 meh cezayê girtîgehê hate xwestin.

09:49

Dayikên Aştiyê û xizmên wan ên ku ji bo qebûlkirina daxwazên grevên birçîbûnê yên di Mijdara 2018’an de li girtîgehan hat destpêkirin û di Gulana 2019’an de bi dawî bûn, çalakiya rûniştinê li dar dixistin, di çalakiya xwe de gelek caran rastî lêdan û heqaretan hatin. Dayikên ku hatin derbkirin, di vê pêvojeyê de çûn dozgeriyê û serlêdana sûc kirin. Dema ku walîtiyê bi hinceta "sûc nayê dîtin" destûr neda lêpirsînê, Dadgeha Îstînafê ya ku parêzeran serî lê dabûn jî heman biryarê girt. Parêzer dê vê carê serî li Dadgeha Destûra Bingehîn bidin.

08:47

Parêzvanên mafê mirovan ên Yemenê nerazîbûn nîşanî bûyera li parêzgeha El-Dhale ya li gundê Lakma Laşûb dan ku mêrek kujer ê ji hevjîna xwe acizbûyî zaroka xwe ya biçûk qetilkir dan gotin: “Pêdivî bi nûkirina zagona parêzvaniya zarokan û li gorî wê jî şiyariya welatiyan heye.”

11:40

Danişîna Hevseroka KCD'ê Leyla Guven a li Girtîgeha Jinan a Xarpêtê girtî ye, hat dîtin. Dema ku Leyla Guven di danişînê de hîn bû der barê wê de îdianameyeke nû tê amadekirin, parêzerê wê ji bo parastinê dem xwest. Danişîn taloqî 11’ê Nîsanê hate kirin.

08:26

Dadgeha Mexribê biryara taloqkirin doza zaroka keç Xedîce ya rastî îşkence û destdirêjiya komî hatî ku li ser medyayê bi navê "keça deqdayî" tê nasîn da. Di dozê de 15 kes sûcdarin ji wan 12 kes bi sûcê destdirêjî, revandin û bazirganiya mirovan tewanbarin.

11:32

Întîsar El-Saîd, parêzera ku piştgiriya mafên jinan dike û di serokatiya Lijneya Rêveber a Weqfa Pêşketin û Qanûnê ya Qahîreyê de ye, di wê baweriyê de ye ku diyardeya sinetkirinê bi kûrahî di giyanan de ye û bi rêjeyek mezin bi mîrateya çandî ya gelêrî û hin têgînên şaş ve girêdayî ye û dide zanîn ku yek ji qeyranên mezin ku ber bi sinetkirina jinan ve dibe, girêdana bi têgînên pakî, namûs û exlaq ve ye.

08:07

Navenda Piştevaniyê ya alîkariya jinên mexdûrên şîdetê yek ji mekanîzmayên Yekitiya Çalakiyên Jinan e ku di Adara 1996'an de hatiye avakirin. Ji bo ku jinên hatine çewisandin pêşwazî bike û piştgiriya psîkolojîk, hiqûqî û tibî pêşkêş bike her wiha dozên wan li dadgehan bişopîne dixebite.

09:18

Lêpirsîna der barê Gurbet Fîda ya ku meha Îlona derbasbûyî li Licê ji aliyê Alî Fîda ve bi çekê hatibû qetilkirin hatibû destpêkirin, bi dawî bû. Di îdianameya ku di çarçoveya lêpirsînê de hat amadekirin de, hat xwestin ku kiryar Alî Fîda bi îdiaya "Bi qestî kuştîna hevjîna xwe" bê cezakirin. Di îdianameyê de cih nedayîna birînên li ser bedena Gurbet Fîda û negirtina îfadeyên xizmên Gurbet Fîda bal kişandin.

13:18

Parêzer Peyman Ezedîn têkildarî mijara girtina jinan a bê sedem li herêma Başûrê Kurdistanê ku her diçe zêde dibe û bê sedem jinan di girtîgehan de dihêlin got: “Ger kesek bi fermana dadgehê nehatibe girtin wê demê girtina wan ne yasayi ye û bê sedem di girtîgehê de dihêlin.”

09:34

Zarokên ku bi dayikên xwe re li girtîgehan dimînin ji şert û mercên girtîgehê gelekî bi bandor dibin. Tenê li Girtîgeha Giştî ya Jinan a Amedê 13 zarok bi dayikên xwe re ne. Parêzera OHD'ê Adîle Salman bal kişand ku pêkanînên li girtîgehan travmayên cuda li ser zarokan çêdikin, diyar kir ku zarok ji ber kêmxwariniyê pir bi hêsanî nexweş dikevin.

10:49

Doza Muteber Akbulut a ku di Mijdara 2019’an de ji aliyê Hasîp Akbulut ê ku pê re zewicîbû ve hatibû qetilkirin, tevî 3 sal derbas bûn jî hê bi encam nebûye. Di dosyaya ku kiryar parastina tehrîkê kir de, rapora ehliyeta sûc a kujerê Muteber Akbulut û rapora DNA’yê ya ku zarok ji wî ne yan na, hatin xwestin. Parêzera dozê Elîf Tîrenç Îpek Ulaş bal kişand ku ji bo kujer kêm ceza bigre her rê tên ceribandin.

13:14

6 jinên DAIŞ’î ku di nav wan de hevjîna Îlhamî Balî yê ku tê gotin yek ji berpirsên DAIŞ’ê yê li Tirkiyê ye H.B jî heye, bêyî ceza bigrin tehliye bûn. Hevjina Mustafa Dokumaciyê Ulkar M. ya ku di lîsteya bombeya zindî ya Polîsan de cih digirt jî hat berdan.

11:21

Serê sibê polîsan bi ser mala rojnameger Nurcan Yalçin de girtin û ew binçavkirin.

12:57

Jinên Îraqî xwe dispêrin çalakvanên di warê mafên jinan de ku bi serkeftina akademîk di jiyana xwe de riya têkoşîna femînîst bidest xistine û wê serkeftina xwe dixin xizmeta parêzvaniya mafê jinan de. Parêzvana Mafê Jinan Wejdan Abdul Amîr jî yek ji wan jinên serkeftîye ku di van mijaran de lêhurbûn û bernameyên wê hene diyar kir ku ji bo bidestxistina mafê jinê yê kar kirine weke femînîst wan gelek çalakî li dar xistine û dê çalakiyên wan dewam bikin.

09:35

Pêvajoya karantînayê ya 15 rojan a ku 2 sal in li girtîgehan tê pêkanîn, pêvajoyên dermankirina girtiyên nexweş vediguherîne îşkenceyê. Girtiyên ku piştî ji nexweşxaneyê vedigerin 15-20 rojan di karantînayê de dimînin, piraniya caran nikarin pêdiviyên xwe yên jiyanî bi cih bînin. Xizmên girtiyan daxwaz dikin ku ev pêkanîn bi awayekî ku bandorê li girtiyên nexweş neke bê sererastkirin.

13:31

Girtiya nexweş a ji doza kobanê tê darezandin Aysel Tugluk dê 3 hefteyan di bin çavdêriya ATK yê de bê girtin.

13:08

Cîgira Serokê Lijneya Rêveber a Komeleya Derçûyên Astengdarên Çav Fayza Bakron diyar kir ku hinek ji mamosteyan beşdarî îmtîhanên wezaretê bûne û 22 ji wan şareza bûne û Ofîsa Wezîfdaran jî bi hejmarek ji wan re têkilî daniye lê ew ji ber zextên giran ên di dema hevdîtinê de li ser wan dihat kirin matmayî mane lewre ev kiryar bi peyama "ji bo kar ne guncaw e" bi dawî bû.

15:01

Hosteya setrencê Nona Gaprindashvilî, got rêzika di rêzefîlma tv. The Queens Gambit ku "tu carî bi mêran re rastî hev nehatiye" zayendperest û biçûkxistin e û li dijî Netflix dozek 5 mîlyon dolarî vekiribû. Dadgerê Herêma Dewletên Yekbûyî diyar kir ku argumana Nona Gaprindashvili maqûl e.

10:51

Zeyneb El-Gûnêmî diyar kir ku guhertin piştî çendîn kampanyayên fişar û parêzvaniyê çêbûne ku ji aliyê Navend û Hevbendiya Sivîl ve bo mafên mirovan û saziyên femînîst, ji bo pêşvebirina kar û prosedurên di dadgehên şerîetê de hatine kirin.