HADEEL AL-OMAR

Idlib – Li kampên li Idlibê ku di bin dagirkeriya Heyet Tehrîr El-Şam de ye, pirsgirêkên jiyanî yê koçberan nayê çareserkirin berevajî vê yekê her ku diçe kirîz û alozî kûrtir dibe. Ji ber barîna baranê ya di demê dawiyê de gelek kamp di bin avan de man, gelê penaber ên li kampan dijîn di bin şert û mercên zehmet de dijîn.

Majîde El-Heranî ya 36 salî li kampên Dêr Hesan li Bakûrî Idlibê piştî ji gundê xwe Dêr El-Xerbî ji çar salan ve di şert û mercên dijwar de bi hejarî, mehrûm bê hêvî penaber bûn. Majîde El-Heranî ji ber barîna baranê konê ku lê dima di bin avê ma wiha qala zehmetiyên ku pê re rû bi rû dimînin kir: “Dema lehiyan û barana zêde ji ber lehî bi cilên şil em xwe dispêrin malên xelkê yên nêzî kampê ta sibeha roja dîtir ku vedigerin û konên xwe dîsa çareser dikin. Em ji jiyana konan û astengiyên têde zêde û paşguhixstina hemûyan ji me re bêzar bûne hêviya me vegera mal û gundê me bê rehmet jê koçbûne nemaye, ji mafê me ye em weke hemû mirovan jiyanek bê astengî jiyan bikin herî kêm di malekê de bijîn.”

Sena El- Cero ya 33 salî ku ji ber baranê her sê zarokên wê yên biçûk nexweş ketine, wiha got: “Weke ku ezman yekser bê ban bi ser wan de dibarî. Konê me xirabûye, em nikarin konekî nû bikirin û ti cihê me nîne em biçinê ji bilî erdê kampê yê tijî herî weke ku koça me dawî be.”

Zirara lehiyan û bahozan ne di kampan tenê de pêkhat lê gihêşt birîna riyan û makîne ji çûn û hatinê hatin qedexekirin, lewma erka peydakirina av û nan dijwar dike.