SÎLVA EL-ÎBRAHÎM

Minbic - Bi armanca nîşandana şiyanên veşartî yên jinan û vegerandina tiştên ku hatine bikaranîn, Weqfa Jinên Azad çaremîn pêşangeha xwe li bajarê Minbicê yê bakur û rojhilatê Sûriyeyê vekir, pêşangeh dê du rojan berdewam bike.

Nûnertiya Jinên Azad li Minbicê di roja 5’ê Îlonê de pêşangeha xwe ya îsal bi dirûşma “Vegerandina bedewiyê bo tiştên bi kar anîne” vekir û ev pêşangeh beşeke ji xebatên berdewam ên jinan ji bo parastina jîngehê ye.

Amûrên kevin bi hûnera dest tên vegûhartin

Li ser armanca vekirina pêşangehê Rêvebera Mala Sêwî ya Weqfa Jina Azad a kantona Kobanê Şînda Yûsif wiha got: “Em dixebitin ku têgeha sûdwergirtina ji tiştên zerardîtî û vegerandina bedewiyê li wan bi rengekî cihêreng li kantona Kobanê belav bibe. Hunerên destan ên jinan, ji bilî firotina van tiştên ku me pêşkêşî wan bi buhayên binavkirî ji bo alîkariyê bidin jinan û rê vekin, li pêşiya wan dikarin tiştên ku di malên xwe de bi kar tînin bi kar bînin.”

Wê li bajarên cûda bidome

Mamosteya hunerên destan Reem Ehmed jî amaje bi wê yekê kir ku pêşangeha yekem li bajarê Kobanê, ya duyem li gundê Qenayê û ya sêyem jî li bajarokê Sarîn hatiye lidarxistin û pêşangeh di cara xwe ya çaremîn de jî dê li bajarê Kobanê dê were lidarxistin. Her wiha da zanîn ku pêşangeh wê di pêşerojê de li tevahiya Bakur û Rojhilatê Sûriyeyê were vekirin. Wê jinên ku xwedî jêhatîbûn in teşwîq kiriye ku li ser paqijkirina wan bixebitin.