Navenda Nûçeyan – Konferansa Jîneolojiyê ya Ewropa, ku di navbera 16-18’ê Cotmehê de li Haelen a Hollanda bi beşdariya nêzîkî 150 delegeyan hate lidarxistin, roja xwe ya sêyemîn bi dawî kir. Konferans, ku bi dirûşmeya "Rola Jîneolojiyê di Avakirina Jiyana Demokratîk û Komunal de" dest pê kir, bi rûniştinên wekî "Jîneolojî: Zanista Avakirina Nasnameya Jinan li ser Bingeha Azadiyê" û "Avakirina Civakeke Demokratîk a Komunal: Rola Jîneolojiyê di Veguherîna ji Îdeolojiya Rizgariya Jinan ber bi Siyasetkirina Rizgariya Jinan" berdewam kir.

Ezmûn, destkeftî û kêmasiyên lêkolînên jineolojiyê hatin nîqaşkirin. Bi hêza aqil û îradeya kolektîf, bi şandeyeke ji jinên ji gelek paşxaneyên cûda pêk dihat, perspektîfeke nû ji bo pêşerojê hat avakirin. Konferans, ku bi çalakiyên cûrbecûr dewlemend bû, wêneyên zindî tomar kir. Bûyeran, ku careke din yekîtiya jin û jiyanê bi rêya yekbûna reng û cûdahiyan ronî kirin, girîngiya rêxistin û yekîtiyê tekez kirin.