MÎHRÎBAN SELAM KAKAYÎ

Helepce - Selar Mehmûd Qadir bi golên xwe yek ji lîstokvana hilbijartî ya Iraqê ye. Selar Mehmûd a ew bi xwe ji xelkê bajarokê Seyîdsadiq e, rûxmê ku di pêkanîna xeyalên xwe de rastî gelek zehmetiyan hatiye jî û her çendî ku temenê wê biçûke jî bi xwestek û hezkirinek zêde ya li hemberî werzîşê li beramberî hemû rêgiriyên malbatê jî bi serket û niha di rêya pêkanîna xeyal û armancên xwe de dimeşe.

Selar Mehmûd di sala 2003’an de ji dayîk bûye, destpêkê di tîma Sîrwanê nû ya Silmaniyê de futbol dilîst, piştî sê mehan beşdarî hilbijartinên Iraqê bû û heta niha jî lîstokvana hatî hilbijartin e û bi vê ve girêdayî di tûrnûvayên werzîşî ya Seyîdsadiq de golparêza tîma keçan e. Selarê der barê rêgiriya malbata xwe de û astengiyên ew pê re rû bi rû maye wiha got: “Di destpêkê de malbata min ne dixwest ez bejdarî hilbijartinan bibim, lê belê piştî ku min hewil da û antreman kir û niha dizanin ez pêşketim, piştgiriya min dikin. Sedemê piştgirînekirina malbatan berpirsyartiya civakê ye ku hertim dibêjin werzîş û lîstoka futbolê ji bo jin û keçan nabe.”

“Divê ji bo werzîşê girîngî bê dayîn”

Selera golcî got: “Di turnovayên Silêmanî de piştgiriya me nayên kirin û giringî nadin futbola jinan, lê belê di turnovayên Îraqê de giringî didin û gelek giringî didin lîstokvanên xwe û xerciya wan jî dabîn dikin. Banga min ji jinên ciwan kir ku bila ji malê derbikevi û werzîş bikin, da ku bibin xwedî tendirustiyek baş.”