Navenda Nûçeyan- Yekitiya Azad a Karkerên Îranê têkildarî cezayên darvekirinê yê li Werîşe Mûradî, Pexşan Ezîzî û 6 girtiyên din ên Kurd û her wiha li ser zêdebûna cezayên darvekirinên yên li dijî girtiyên siyasî daxuyaniyek weşand.

Daxuyanî wiha ye:

“Cezayên darvekirinê yên li Werîşe Mûradî, Pexşan Ezîzî û 6 girtiyên Kurd hatî birîn, êrişek hovane ye li ser îrade û hêza gelê Îranê ye. 2 sal bi ser Şoreşa ‘Jin, Jiyan, Azadî’ re derbaz dibe. Divê demê de carek din pêla derxistin û pêkanîna cezayên darvekirinê gihiştiye asta herî bilind. Ev jî ji ber polîtîkayên zextê yên saziyên ewlekarî û darazê pêk tê. Zext û tehdîd bi rêya derxistin û sepandina cezayên darvekirinê yên nemirovane ji aliyê saziyên ewlekarî û dadweriyê ve her ku diçe zêde dibe. Divê demil dest cezayên nemirovane yên darvekirinê werin bi dawîkirin. Divê cezayên li dadgehên li çar aliyê welêt tên dayîn bên betalkirin û hemû girtiyên siyasî û îdeolojîk demildest bên berdan.”