Navenda Nûçeyan – Girtiya siyasî ya Kurd Werîşe Muradî ku di girtîgeha Êvîn a Tehrana paytexta Îranê de tê ragirtin û cezayê darvekirinê lê hat birîn, bi boneya 22’ê Kanûnê Roja Jinan û Dayikan a li Îranê peyamek belav kir.

Werîşe Muradî di peyama xwe de ev tişt got:

“Cezayên ku li Îranê li ser jinan tên birîn li gorî sala borî ji sedî 35 zêde bûye û rewşa niha salên 1980’an tîne bîra mirovan. Di wan salan de, di dema şer de, di zindanan de komkujî hatin kirin û welatparêz û parêzvanên azadiyê bûn hedef. Ez Îranê hişyar dikim: Divê ev dîrok dubare nebe.

Ez tu carî ji têkoşîn û berxwedana xwe poşman nabim. Heta ku zilma li ser jinê berdewam bike ez ê têkoşîna xwe ji Kurdistanê heta Belûçistanê, ji Îranê heta Efganistanê bidomînim. Ji bo pêkanîna armancên 'Jin Jiyan Azadî' ez ê têbikoşim."