Tûnis – Yekîtiya Rojnamevanên Neteweyî ya Tûnisê, îro ji bo rojnamevan Şedha el-Hac Mubarek ku zêdetirê du sal in di çarçoveya doza bi navê "Instalingo" de girtî ye, çalakiya hevgirtinê li dar xist.

Ev doz, mîna yek ji dozên medyayî û siyasî yên herî nakok a li Tûnisê derdikeve pêş. Li gorî rayedarên Tûnisê, şîrketa "Instalingo" piştgirî dayîna terorê, reşkirina kesayetên siyasî yên navdar ên mîna Serokomarê Tûnisê Kais Seîd, şofandina pereyê reş û sûcdariyên têkildarî ewlehiya hikûmetê hatibû tawanbarkirin.

Yekîtîya Rojnamevanên Neteweyî ya Tûnisê, bang li rojnamevan, rojnamevanên jin û alîgirên azadiyê kir ku di danişîna temyîzê ya yekem a li Dadgeha Îstînafê ya Tûnisê de piştgirî bidin rojnamevana ciwan Şeza El-Hac Mubarek. Dadgeha Dadweriya Yekem di meha Sibata borî de ji ber çalakiyên wê yên rojnamegerî ya li şîrketa medyayê ya mijara gotinê, 5 sal cezayê girtîgehê da Şeza El-Hac Mubarek.

‘Nebûna polîtîkayên medyayê rojnamevanan dixe nav dozên siyasî’

Endama Sendîkaya Rojnamevanan Cîhan el-Lewati, diyar kir çalakiya hevgirtinê ji bo azadkirina Şeza El-Hac Mubarek û ji bo balkişandina tenduristiya wê hatiye organîzekirin. Cîhan El-Lewati, destnîşan kir ku Şeza El-Hac Mubarek rojnamevanekî ciwan e û girêdayî exlaqê pîşeyî ye û got: “Rojnamevana ciwan  bêguneh e û ji ber nebûna polîtîkayên giştî yên di derbarê şert û mercên xebata rojnamevanan de neçar ma ku ji bo şîrketeke hilberînê bixebite. Rojnamevan ber bi darizandineke siyasî ya ne girêdayî rojnamegeriyê re hat xiriqandin. Ez bang li dadweriyê dikim ku pêvajoyê sererast bike û Şeda el-Hac Mubarek berde.”

‘Sendîka û endamên wê ji bo edaleta hevpîşeyên xwe li ber dadgehê diseknîn’

Endama sendîkayê ya Yekîneya Çavdêriyê Houleh Şebah jî, da zanîn Şeza El-Hac Mubarek ji dema cezayê xwe ya 5 salan a girtîgehê ya di meha Sibatê de hate dayîn û vir ve du sal û pênc meh in di girtîgehê de ye û wiha axivî: “Îro roja ewil a danişîna îtîrazê ye û xwepêşandana hevgirtinê ji bo daxwaza berdana Şeda el-Hac Mubarek hat li dar xistin. Tîma parastinê ya sendîkayê dê daxwazek ji bo berdanê pêşkêş bike û rojnamevanan daxwaznameyek pêşkêşî Wezareta Edaletê kirin. Sendîkayê, balkişand ser neheqiya ku ji çar salan zêdetir e didome. Em bi yek dengî daxwaza berdana Şeda el-Hac Mubarek dikin, xebatên rojnamegeriyê sûc nayên hesibandin û tu kes nikare di dozên ne girêdayî erkên wan yên pîşeyî de bên darizandin.”