Navenda Nûçeyan - Mala Çavdêriyê ya Mafên Mirovan a Sûriyeyê (SOHR), ragihand ku li welêt di nav rojek de 9 kesan ji ber sedemên cur bi cir jiyana xwe ji dest dane. Li gor daxuyaniya SOHR’ê, li Kuçeya  Qamişloya li Hesekê ciwanek bi hinceta ‘tolhildanê’ hat qetilkirin. Li Taxa  Xiwêran a Hesekê zarokek, di encama teqîna mayînê de jiyana xwe ji dest da. Li bejahiya Hesekê jinek, bi awayek bi guman jiyana xwe ji dest da.

Li Gundê Zeferaya Mezin a Îdlibê ji ber teqîna mayînê cotkarek jiyana xwe ji dest da. Li Helebê leşkerek ku endamê Tûgaya 62’yemîn e, di encama teqîna bermayiya roketek de jiyana xwe ji dest da.

Li bajaroka Misyafê ya Humusê ciwanek, ji aliyê kesên nasnameya wan nediyar ve hat qetilkirin.

Li herêma Kendisiyê ya li başûrê Lazkiyê, di encama nîqaşek navxweyî de 3 Elewî hatin kuştin.